tholaiththavan

6ம் ஆண்டு கண்ணீர் அஞ்சலி...

2011-05-03T09:31:00.000-07:00

அன்பு அப்பாவுக்கு,

இன்றோடு நீங்கள் எங்களை பிரிந்து ஆறு ஆண்டுகள் ஆயிற்று என்பதை எங்களால் நம்பமுடியவில்லை. இப்போது தான் தங்கை வீட்டில் இருந்து டில்லியிலிருந்து வந்தபின் நீங்கள் என்னுடன் பேசியது இன்னும் என்னுள்ளே ஒலித்துக்கொண்டு தான் இருக்கிறது.

உடலால் எங்களை விட்டு நீங்கள் மறைந்தாலும், எங்கள் உள்ளத்தில் வாழ்ந்துக்கொண்டு இருக்கும் அன்புத்தெய்வத்திற்க்கு எங்களின் 6ம் ஆண்டு கண்ணீர் அஞ்சலி...

- உங்கள் பிரிவால் வாடும் குடும்பத்தினர்.

அப்பா - உங்களுக்கு உள்ளங்கனிந்த நன்றிகள்

2010-06-20T19:55:00.000-07:00

அப்பா உங்களின் உழைப்புக்கும், தியாகத்திற்கும் மற்றும் நீங்கள் சிந்திய வியர்வைக்கும் தந்தையர் தினமனா இன்று எங்களின் உள்ளங்கனிந்த நன்றிகள்.

தந்தையர் தினம்!!!

2010-06-20T19:25:00.000-07:00

அன்னையர் தினம் வரும், பின்னே..... தந்தையர் தினமும் வரும் என்பது இப்போது உலக வழக்கமாகி வருகிறது. தாயிற் சிறந்த கோவிலுமில்லை, தந்தை சொல் மிக்க மந்திரமுமில்லை என்ற வைர வரிகளை வழங்கிய அவ்வை மூதாட்டி வாழ்ந்த காலத்தில் தோன்றியதா இந்த தந்தையர் தினம்?

பசுவின் கன்றை மகன் தேரிலிட்டுக் கொன்று விட்டான் என்பதற்காகத் தன் மகனையே தேர்க்காலில் இட்டுக் கொன்ற மன்னனின் புகழ் நிலைக்கவோ இந்தத் தந்தையர் தினம்! பற்று, பாசம், நேசம், உறவு இப்படி இல்லாமல் வயதுக்கு வந்து விட்டால் தாய் தந்தையைப் பிரிந்து தனித்து வாழுகிறதும், அண்ணன் என்னடா? தம்பி என்னடா அவசரமான உலகத்தில் என்று வாழுகிறதாகப் பலர் கருதுகிற அமெரிக்கத் திருநாட்டில் தான் இந்தத் தந்தையர் தினம் தோன்றியது!

சான்றோன் ஆக்குதல்.....
வில்லியம் ஜாக்சன் ஸ்மார்ட் அமெரிக்க இராணுவத்தில் பணிபுரிந்தவர்! 1862-ல் நடந்த போரில் கலந்து கொண்ட பிறகு வாஷிங்டன் அருகேயுள்ள ஸ்போகனே (Spokane) வுக்கு குடும்பத்தோடு சென்று வசித்தார். மகள் சொனாரா டோட்டுக்கு 16 வயதாகும் போது மனைவி எல்லன் விக்டோரியா மரணமடைந்தார். தன் மனைவி இறந்ததும் 5 மகன்கள் மற்றும் மகள்களுடன் வசித்தார். அவரை மறுமணம் செய்து கொள்ள சிலர் முன்வந்த போது மறுத்து விட்டு பிள்ளைகளை வளர்ப்பதில் கண்ணும் கருத்துமாக இருந்தார். வாலிபம் வீணாகிறது என்று செல்லமாகச் சொல்லி வளைத்துப் போடப் பார்த்த பெண்களின் ஆசை வார்த்தைகளுக்கு அடிமையாகி விடாமல் தம் இல்லாள் இல்லை என்ற குறை தெரியாமல், சான்றோன் ஆக்குதல் தந்தைக்கு கடனே... பிள்ளைகளை வளர்த்து வாலிபமாக்கினார்.

அருமைக் கணவர் இருக்கும்போதே மனைவி இன்னொருவருடன் வாழ்வதும், வாழ்ந்தால் உன்னோடுதான் என்று கைப்பிடித்த மனைவி இருக்கும் போதே கணவர் இன்னொரு பெண்ணுடன் வாழ்வதும் அமெரிக்காவில் அங்கிங்கெனாதபடி எங்கும் அசாதாரணமாக இருக்கிற போது தம் தந்தையின் வாழ்க்கையை மிகப் பெரிய தியாக வாழ்க்கையாகக் கருதினார் - மகள் ஸொனோரா ஸ்மார்ட் டோட்! (Sonora Smart Dodd ) திருமதி.டோட் அது மட்டுமல்ல, தமக்காக வாழாமல் பிள்ளைகளுக்காகவே வாழ்ந்து மறைந்த தியாக சீலரான தம் தந்தையைக் கெளரவிக்க வேண்டும் என்று எண்ணினார்.

அந்தக் கெளரவமும் தம் தந்தையோடு நின்று விடாமல் தந்தையர் ஒவ்வொருவருக்கும் அந்தக் கெளரவிப்பு கிடைக்க வேண்டும் என்றும் திருமதி.டோட் கருதினார்.

சுய நலத்தோடு கலந்த அவரின் பொதுநலம் தம் தந்தை பிறந்த ஜூன் 19 ம் தேதியை தந்தையர் தினமாக அறிவிக்க வேண்டும் என்ற கோரிக்கையை 1909 ம் ஆண்டு எழுப்பினார். அவரின் கோரிக்கை கரு மெல்ல உருப் பெற்று 5 வருடங்கள் கழித்து 1924ல் அதிகார வர்க்கத்தின் செவிகளில் விழுந்தது. அமெரிக்காவின் அன்றைய அதிபர் கால்வின், திருமதி.டோட்டின் யோசனையை நான் ஆதரிக்கிறேன் என்றார். 1926ல் நியூயார்க் நகரில் தேசிய தந்தையர் தினக் கமிட்டி அமைக்கப்பட்டு அதன் சாத்தியம் பற்றி ஆராய்ந்தது. அதன் பின் அந்த விசயம் கிடப்பில் போடப்பட்டு விட்டது.

அதற்கும் 30 வருடங்கள் கழித்து 1956ல் கோரிக்கை தூசி தட்டப்பட்டு தந்தையர் தினத்தை அங்கீகரித்து அமெரிக்க காங்கிரஸ் தீர்மானம் கொண்டு வந்தது.

அதன் பிறகும் அரசு அதிகாரப் பூர்வமாக அங்கீகரித்து அறிவிக்கவில்லை. 1966ம் ஆண்டு அமெரிக்க அதிபர் ஜான்சன் ஜூன் மாதம் 3 வது ஞாயிற்றுக் கிழமையை "தந்தையர் தினம்" என அறிவிக்கலாம் என சட்ட முன் வடிவில் கையொப்பமிட்டார். அதற்குப் பத்து வருடங்கள் கழித்து ஆட்சிப் பொறுப்பை ஏற்ற அதிபர் ரிச்சர்ட் நிக்சன் 1972ல் அதிகாரப்பூர்வமாக தேசிய அளவில் "தந்தையர் தினம்" அனுசரிக்கஆணை பிறப்பித்தார். தனது கோரிக்கைக் கனவு பலிக்காமல் போய்விட்டதே என்ற கவலையோடு இருந்த திருமதி.டோட், அவரின் கனவு நனவான போது அதைப் பார்த்து சந்தோஷப்பட அவர் உயிரோடு இல்லை. ஆனால் இன்றைக்கு அமெரிக்காவில் மட்டுமல்ல பெரும்பாலான நாடுகள் "தந்தையர் தினம்" என்று உச்சரிக்கத் துவங்கியுள்ளதை அவரின் முயற்சிக்குக் கிடைத்த வெற்றி என்றே சொல்லலாம்.

ரோஜா...
தந்தையர் தினத்தில் மேலை நாடுகளில் அப்பாவுக்கு ஒரு சிவப்பு ரோஜாவைக் கொடுத்து வாழ்த்துவதும், பிள்ளைகள் சிவப்பு ரோஜாவை தங்கள் சட்டையில் அல்லது தலையில் செருகிக் கொள்வதையும் வழக்கில் கொண்டுள்ளனர்!

அப்பா இயற்கை எய்தி விட்டால் தங்கள் சட்டையில் ஒரு வெள்ளை ரோஜாவை செருகிக் கொள்வது வழக்கம்!

இவை எல்லாவற்றையும் விட அப்பா உங்களை நான் எவ்வளவு நேசிக்கிறேன் தெரியுமா? ஏன் நேசிக்கிறேன் தெரியுமா? என்று சொல்லி ஆரத்தழுவுவது வழமையான பழக்கங்களுள் முக்கியமான ஒன்று!

எத்தனையோ இன்னல்கள் பட்டாலும் அதை வெளிக் காட்டாமல் துன்பத்தின் சாயல் தம் பிள்ளைகள் மீது படிந்து விடாமல் அனைத்தையும் தம் தோளில் சுமந்தே கூன் விழுந்து போன தந்தையர்கள். இராத்தூக்கம் பகல் தூக்கம் இன்றி வளர்த்து வாலிபமாக்க எவ்வளவு தியாகங்கள் புரிந்த, புரியும் தந்தையர்கள்!

தவமாய் தவமிருந்து திரைப்படத்தில் சேரன் மகன் தந்தைக்காற்றும் கடனை மிகச் சிறப்பாகச் சொல்லியிருப்பார்! கொஞ்சம் சிந்தனைகளை ஓடவிட்டுப் பாருங்கள். வாழ்க்கையில் ஒவ்வொரு தந்தையும் தன்னை ஆளாக்க பட்ட துயரங்கள் கொஞ்சமாவது உங்கள் கண்களைக் கலங்கவைக்கும்.

நீங்கள் இன்றைக்கு இருக்கும் நிலையை எண்ணிப்பாருங்கள்; நாளை இந்தச் சமுதாயம் உங்களைக் குறிப்பிடும் போது என்ன சொல்லும்? என்பதை அய்யன் வள்ளுவர் ஈராயிரம் ஆண்டுகளுக்கு முன்பே வெகு நேர்த்தியாகச் சொல்லிச் சென்றிருக்கிறார்.

"மகன் தந்தைக்கு ஆற்றும் உதவி,"இவன் தந்தை
என் நோற்றான்கொல்" எனும் சொல்!

இந் நாளில் நம் தந்தையரை நாமும் இதய சுத்தியோடு அல்லவை மறந்து நல்லவை எண்ணி வாழ்த்துவோம்! வணங்குவோம். அவர் மனம் மகிழ அன்று மட்டுமாவது நேரம் ஒதுக்கி தந்தையோடு நேரத்தைச் செலவிடுவோம்.

அன்னையர்கள் தின நல்வாழ்த்துக்கள்...

2010-05-09T14:09:00.000-07:00

உலகம் முழுவதும் உள்ள தாய்மார்களுக்கு எனது அன்னையர்கள் தின நல்வாழ்த்துக்கள்.

"தாயிற் சிறந்த கோவிலுமில்லை....." என்ற வைரவரிகள் தமிழ் கூறும் நல்லுலகில் பவனி வரும் இரத்தினச் சுருக்கமான வார்த்தை. ஒரு சகோதரியாக, தாயாக, தாரமாக, தோழியாக இல்லத்தில் உள்ளோரைப் பக்குவப்படுத்தும் பாட்டியாக, அனுபவங்களின் அரவணைப்பில் வழி நடத்திச் செல்லும் ஆசானாக..இப்படிப் பெண் தன் வாழ்நாளில் எத்தனையோ பாத்திரங்களில் வலம் வந்தாலும் அன்னை என்கிற பாத்திரம்தான் மிக உன்னதமான இடத்தை வகிக்கிறது; இப்படிப்பட்ட அன்னையைக் கெளரவிக்கும் வகையில் தற்போது உலகெங்கும் "அன்னையர் தினம் " அகிலமெங்கும் கொண்டாடக் காரணமாக இருந்தவர் பற்றி நாம் சற்றுத் தெரிந்து கொள்வோமா? எந்தச் செய்திக்கும் ஒரு மூலம் இருக்குமில்லையா? அந்த வகையில் அன்னையர் தினம் முகிழ்க்கக் காரண கர்த்தாவாக இருந்த வரை அறிவது சற்றுப் பொருத்தமாக இருக்கும் இல்லையா?

அன்னையர் தினம் தான் பழங்காலத்தில் தாய்க் கடவுளுக்கு வசந்த விழாவாகக் கொண்டாடப் பெற்றதாக வரலாற்று ஆய்வாளர்கள் கருத்துரைத்துள்ளனர். அன்றைய கிரேக்கப் பேரரசன் ரோனஸ் (Cronus) மனைவியும் கடவுளின் அன்னையாகவும் மக்களால் வணங்கப் பெற்ற ரேயா (Rhea) வுக்கு விழாவெடுத்தான். மக்கள் இந்த விழாவைக் கோலாகலமாகக் கொண்டாடினர்.

இதே காலகட்டத்தில், அதாவது கிறிஸ்து பிறப்பதற்கு சுமார் 250 ஆண்டுகளுக்கு முன்பாக ரோமப் பேரரசில் கடவுளின் அன்னையாகக் கருதி வணங்கப் பெற்ற சைப்ளி (Cybele) க்கு விழா கோலாகலமாகக் கொண்டாடப் பெற்ற வரலாறும் உண்டு. மூன்று நாட்கள் கொண்டாடப்பட்ட இந்தப் பெரு விழாவிற்கு ஹிலாரியா(Hilaria) விழா என்றும் மார்ச் மாதத்தில் 15 முதல் 18 ம் தேதி வரை என்று ஆண்டுதோறும் கொண்டாடியதற்கான சான்றுகள் உள்ளன.

16ம் நூற்றாண்டில் கிரீஸ் நாட்டில்தான் "MOTHERING SUNDAY" என்ற நாள் முதன் முதலாக அனுசரிக்கப் பட்டிருக்கிறது. ஈஸ்ட்டர் வரும் மாதத்தின் நான்காம் ஞாயிற்றுக் கிழமை இயேசுவின் தாயை நினைவு கூறும் வகையில் இந்த நாள் கொண்டாடப்பட்டு வந்துள்ளது. ஆனால் அமெரிக்காவில் முகிழ்த்த அன்னையர் தினம்தான் இன்றைக்கு உலகெங்கும் கொண்டாடக் காரணமாக அமைந்தது எனலாம்.

1600களில் இங்கிலாந்தில் இடம் விட்டு இடம்பெயர்ந்து வேலை செய்து வந்தனர். இவர்கள் தாங்கள் வேலை செய்யும் எஜமானர்கள் எங்கு வேலை செய்யச் சொல்லுகிறார்களோ அங்கேயே தங்கி வேலை பார்ப்பதும், குடும்பத்தை ஓரிடத்திலுமாய் வைத்துவிட்டுச் செல்லுவதையும் வழக்கமாய்க் கொண்டிருந்தனர்.

அப்படி வேலையில் இருப்பவர்களுக்கு வருடாந்திர விடுமுறை போல இந்த மதரிங் சண்டேக்கு விடுப்பு அளித்து எஜமானர்கள் அனுப்புவது வழக்கம். அப்படிச் செல்லுபவர்கள் ஒருவித விசேசமான கேக் ( அதையும் மதரிங் கேக் என்றே குறிப்பிட்டார்கள்.) தயாரித்தோ அல்லது வாங்கிச் சென்றோ தமது அன்னையரோடு விடுமுறையைக் கழித்திருக்கிறார்கள்.

அமெரிக்காவில் அன்னையர் தினம் கொண்டாடப்பட வேண்டும் என்று 1872ல் ஜூலியா வார்டு ஹோவ் (Julia Ward Howe ) முதன் முதலில் பாஸ்டனில் ஒரு பெருந்திரளான கூட்டத்தைக் கூட்டினார். திருமதி ஹோவ், குடும்பத்தில் அயராது உழைக்கும் அன்னைக்கு ஒருநாளை அமைதியாகக் கழிக்க அன்னையர் தினம் என்று ஒருநாளை அனுசரிக்க வேண்டும் என்று அக் கூட்டத்தில் பெருங்குரலெடுத்துக் கூறினாலும் அவருக்குப் பின் அதை எடுத்துச் செல்ல யாரும் முன் வரவில்லை.

"அன்னா மரியா ரீவிஸ் ஜார்விஸ்" என்ற பெண் சமூக சேவகி அமெரிக்காவின் மேற்கு வர்ஜினியா மாநிலத்தில் கிரா·ப்டன் (GRAFTON) என்ற கிராமத்தில் வாழ்ந்தவர்.

இவர் கிறிஸ்தவ பாதிரியார் அருட்திரு. ரீவிஸ் மகளாவார். 1852ல் அன்னா, கிரான்வில்லி இ ஜார்விஸ் என்பாரை மணம் புரிந்து மேற்கு வர்ஜீனியாவின் பிலிப்பியிலிருந்து கிராப்டனில் குடியேறினார். பணிபுரியும் பெண்களுக்கான நலச் சங்கங்களை துவக்கினார்; பணிபுரியும் பெண்கள் டி.பி.நோயால் பாதிக்கப்பட்ட போது அவர்களுடைய குடும்பங்களில் உதவி செய்ய இந்தச் சங்கங்கள் பணிப் பெண்களை வேலைக்கமர்த்தி உதவி செய்தது.

பாட்டிலில் வினியோகிக்கப்படும் பால் மற்றும் உணவு வகைகளை பரிசோதித்து அளிக்கும் பொறுப்பையும் இந்தச் சங்கம் ஏற்றுக் கொண்டு ஆற்றிய சேவைகளைக் கண்ட அண்டை நகரங்களான ·பெட்டர்மேன், ப்ருண்ட்டிடவுன் பிலிப்பி, மற்றும் வெப்ஸ்டர் போன்ற நகரங்களும் சங்கங்களை துவக்கிட விருப்பம் தெரிவிக்க அன்னா சுகாதரக் குறைவான சுற்றுச்சூழற் கேடுகள் மறைய அங்கெல்லாம் சென்று வழி நடத்தினார். தன்னுடைய குழந்தைகள் ஒன்றன் பின் ஒன்றாக இறந்து போக நேரிட்ட போதிலும் மனம் தளராது பணிபுரிந்தார்.

பால்டிமோர் நகரிலிருந்து ஒஹையோ வரையிலான இருப்புப்பாதை அமைக்கும் பணி நடந்து கொண்டிருந்த போது உள்நாட்டுக் கலகம் மூள இந்தச் சங்கங்களின் பணி இரட்டிப்பானது. யுத்தத்தில் காயம் பட்ட வீரர்களை சங்க கட்டிடத்தில் கொண்டு வந்து வைத்து மருந்திட்டு, உணவு,உடையளித்து காக்கும் பணியினை சங்கங்கள் மூலமாக அன்னா செய்தார்.

அன்று யுத்த களத்தில் அமெரிக்க வீரர்கள் பலியாயினர். அவர்களின் குடும்பங்களும் சிதைந்து சீரழிந்து நாலாபக்கமும் சிதறிப்போயினர். பிரிந்த குடும்பங்கள் ஒன்று சேரவும் அவர்களின் நல்வாழ்க்கைக்கும் சமாதானத்திற்கும் அயராது பாடுபட்டவர்தான் "அன்னா ஜார்விஸ்". அவரின் பார்வையற்ற மகளுடன் தன் இறுதி மூச்சுவரை சமூக சேவகியாகவே வாழ்ந்து 1904ல் மறைந்தார். அவருடைய 72வது வயதைக் குறிக்கும் வகையில் பிலடெல்பியாவின் வெஸ்ட் லாரல் ஹில்லில் புதை (விதை) க்கப்பட்டபோது கிராப்டன் ஆன்ரூஸ் சர்ச்சில் 72 முறை ஆலய மணி ஒலித்தது! மகள் ஜார்விஸ் முதன்முதலாக தனது அன்னையின் நினைவாக உள்ளூரில் உள்ள மெத்தடிஸ்ட் சர்ச்சில் 1907ம் ஆண்டு மே மாதம் 10ம் தேதி சிறப்பு வழிபாடு ஒன்றை நடத்தினார்.1908ம் ஆண்டு மே 10-ம் நாள் பிலடெல்பியா அரங்கில் 5,000 பேர் அமரக்கூடிய அரங்கில் 15,000 பேர்கள் திரண்ட கூட்டத்தில் ஒருமணி நேரம் பத்துநிமிடங்கள் ஜார்விஸ் அன்னையர் தின உரை நிகழ்த்தினார்! அதனைத் தொடர்ந்து அன்னையர் தினக் கமிட்டி ஒன்றை அங்கே அதிகாரப்பூர்வமாக அறிவித்தார். அந்த அமைப்பு உலக அளவில் இதன் நோக்கத்தை எடுத்துச் செல்லும் என்று அறிவித்தார்.

ஜார்விஸ் அம்மையார் எதிர்பார்த்ததை விட 1909-ம் ஆண்டே அமெரிக்காவின் 45 மாநிலங்களிலும் போர்ட்டோ ரிக்கோ, ஹாவாய், கனடா, மற்றும் மெக்சிகோவில் அன்னையர் தினத்தை விசேடப் பிரார்த்தனைகள் வெள்ளை மற்றும் சிவப்பு துணிகளை அணிந்து சிறப்பாகக் கொண்டாடினர்.

1910ம் ஆண்டு மேற்கு வர்ஜீனியா ஆளுநர் வில்லியம் இ கிளாஸ்காக் ஏப்ரல் 26ம்தேதி அன்னையர் தினமாக அறிவிப்பை வெளியிட்டார். அமெரிக்க மாநிலங்களவை உறுப்பினர்களான அலபாமா ஹெ·ப்ளின், டெக்ஸாஸ் செப்பார்டு ஆகிய இருவரும் இணைந்து மே மாதம் இரண்டாம் ஞாயிற்றுக் கிழமையை அன்னையர் தினமாக அறிவிக்கக் கோரும் சட்ட முன்வடிவைச் சமர்ப்பித்தனர்.

1913ம் ஆண்டு தன் பணி நிமித்தம் மகள் ஜார்விஸ் பென்சில்வேனியா மாநிலத்தில் பிலடெல்பியாவில் குடியேறினார். தாயார் விட்டுச் சென்ற சமூக சேவையை மகள் ஜார்விஸ் தன் தனிப்பெரும் கடமையாகக் கருதித் தொடர்ந்தார்.

கஷ்டப்படுகிற, வாழ்க்கையில் இன்னலும், சோதனைகளும் ஒருசேரத் தாக்கி மனம் வெந்து நொந்து சமூகத்தில் ஓரங்கட்டப் பட்டவர்களுக்கான அமைப்பில் தன்னை இணைத்துக் கொண்டார். தன் தாயாரின் நினைவாகவும், தத்தம் வீடுகளில் அவரவர் அன்னையர்களும் கெளரவிக்கப் பட வேண்டும்; எல்லோர் இல்லங்களிலும் அன்றைய தினம் மகிழ்ச்சி ததும்ப வேண்டும் என்று எண்ணினார். தம் எண்ணத்தை பென்சில்வேனியா மாநில அரசுக்குத் தெரிவித்தார். அரசும் அவர் கருத்தை ஏற்று 1913ம் ஆண்டு முதல் அன்னையர் தினம் என அங்கீகரித்து அறிவித்தது.

ஆனால், ஜார்விஸ் திருப்தி அடையவில்லை. ஆயிரக்கணக்கில் அரசியல்வாதிகளுக்கும், தன்னார்வ அமைப்புகளுக்கும், வர்த்தக அமைப்புகளுக்கும் கடிதங்கள் எழுதி அமெரிக்கா முழுவதும் "அன்னையர் தினம்" கொண்டாடவும் அந்நாளை அரசின் விடுமுறை நாளாகவும் அங்கீகரித்து அறிவிக்க வேண்டுமென அமெரிக்க அதிபருக்கு வேண்டுகோள் விடுத்தார்.

1914ம் ஆண்டு அமெரிக்க அதிபர் வுட்ரோ வில்சன் வருடம்தோறும் மே மாதம் இரண்டாம் ஞாயிறை அதிகாரப் பூர்வமாக அன்னையர் தினமாகவும், அன்று விடுமுறை தினமாகவும் இருக்கும் அறிவிப்பை வெளியிட்டார். இதனையே கனடா அரசாங்கமும் ஏற்று அங்கீகரித்து அறிவித்தது. அதுமட்டுமல்ல ஆப்கானிஸ்தானத்திலிருந்து கோஸ்டாரிகா வரை 46 நாடுகள் இதே நாளில் "அன்னையர் தினம்" என அறிவித்து நடைமுறைப் படுத்தியது. ஜார்விஸ் அளவற்ற மகிழ்ச்சியடைந்தாலும் முழுமன நிறைவடையவில்லை. உலகமெங்கும் அன்னையர் தினம் கொண்டாடப்பட வேண்டும் என்ற எண்ணத்திற்கு அடுத்த வித்தினை இட்டார்.

எதையும் வியாபாரமாக்கி பணம் பண்ணும் அமைப்பு "அன்னையர் தினம்" அன்று அன்னையின் படம் ஒன்றைப் பொறித்து கொடியொன்றை விற்று காசு....ஸாரி...டாலர்கள் பார்த்தது. வெகுண்டெழுந்தார் ஜார்விஸ். 1923ம் ஆண்டு இத்தகைய கொடி விற்பனையை எதிர்த்து வழக்குத் தொடர்ந்தார். என்னுடைய நோக்கம் அன்னையர் தினம் "செண்டிமெண்ட்" நாளாக இருக்க வேண்டுமேயல்லாமல் டாலர் தேற்றுகிற நாளாக இருக்கக் கூடாது. இத்தகைய வசூலுக்குத் தடை விதிக்க வேண்டும் என்று வாதாடி வென்றார்.

உலகம் முழுக்க "அன்னையர் தினம்" அனுசரிக்கப்பட வேண்டும். ஒவ்வொரு வீட்டிலும் அன்னையைப் போற்றுகிற, வாழ்த்துகிற, மகிழ்விக்கின்ற நாளாக அன்றைய தினம் மலர்ந்து மணம் பரப்ப வேண்டும் என்பதுதான் என் ஆசை என்று தனது 84வது வயதில் தனியார் மருத்துவமனையில் இறப்பதற்கு முன் தன்னைச் சந்தித்த நிருபர்களிடம் வெளிப்படுத்தினார். அவருடைய ஆசை இன்று அனேகமாக பூர்த்தியாகி விட்டது என்றே சொல்லலாம்.

"ஒரு அன்னையின் அன்பு ஒவ்வொரு நாளும் புதிதாகவே பூக்கும் என்ற ஜார்விஸ் இப்படிக் குறிப்பிடுகிறார். இந்தநாளில் நம்மைப் பெற்றெடுத்த தாய்க்கு இணையற்ற அன்பைப் பொழிய பிரத்யேகமான தீர்மானங்களை நமக்கு நாமே நிறைவேற்றி செயல்படுத்த வேண்டும். இனிய வார்த்தைகள் மூலம், அன்பளிப்புகள் மூலம், நம் அபிமானத்தின் மூலம், இன்னும் எந்தெந்த வழிகளில் எல்லாம் நம் அன்பை வெளிப்படுத்துவதன் மூலம், அவளைச் சிறப்பியுங்கள். அன்னையின் இதயம் சந்தோசத்தால் ஒவ்வொரு நாளும் நிரம்பி வழியச் செய்யுங்கள். குறிப்பாக அன்னையர் தினத்தன்று அவளை விசேடமாக கவனியுங்கள். அன்னையின் அருகில் இல்லாத சூழலா, அடிக்கடி மடலிடுங்கள். அதுமட்டுமல்ல அவளிடமுள்ள விசேட குணத்தைச் சுட்டிக் காட்டி அவளை நீங்கள் எவ்வாறெல்லாம் நேசிக்கிறீர்கள் என்று உணர்த்துங்கள். ஈன்ற பொழுது மகிழ்ந்ததைக் காட்டிலும் அவளை உங்கள் செயல் மகிழ்விக்கச் செய்வதாக இருக்க வேண்டும் என்கிறார்.

"அன்னையர் தினம்" மூலம் தெரியாவிட்டாலும், இன்று அகிலம் அன்னையர் தினத்தை அவரவர் இஷ்டத்துக்கு கொண்டாடி மகிழ்கின்ற நாளாகத் திகழ்கிறது. சிங்கப்பூரில் சீனிவாசப் பெருமாள் கோவிலில் மகாலட்சுமிக்கு விசேச வழிபாடு செய்து பக்தர்களுக்கு பிரசாதம் வழங்கப்படுவது இந்த தினத்தில் இன்றும் நடைபெறுவதைக் காணலாம். தீபாவளி, பொங்கல், கிறிஸ்மஸ் மற்றும் புத்தாண்டு வாழ்த்துக்கள் போல அன்னையர் தினத்தை வாழ்த்து அட்டைகள், பரிசுப் பொருட்கள் என்று கொண்டாடத் தலைப்பட்டு விட்டனர்.

கணினியில் தேடுபொறியில் ஆங்கிலத்தில் Mothers day என்று தேடினால் 20,000,000 வலைப்பக்கங்கள் பலவிதமான வியாபார நுணுக்கங்களோடு மிளிர்வதைக் காணலாம்; அன்னையரை வாழ்த்த பூங்கொத்து அனுப்ப, வாழ்த்து அட்டைகள்! அன்னையை அலங்கரிக்க எங்கள் வைர வைடூரிய நகைகளை வாங்கிட! கைக்கெடிகாரம், ஒப்பனைபொருட்கள் பெட்டி... உங்கள் அன்னையை மகிழ்விக்க எங்கள் பரிசுக் கூடைகளை இன்றே வாங்கி அனுப்புங்கள் என்று விதவிதமாக வலையக அங்காடிகள் வகைவகையாய் கண்களைப் பறிக்கும் வண்ணம் கடை விரித்துள்ளனர்! அன்னையின் உருவப்படத்தைப் போட்டு வணிகம் செய்தவர்களுக் கெதிராக வழக்குத் தொடுத்து வெற்றிகண்ட ஜார்விஸ் அவர்களையும் இந்த நேரத்தில் எண்ணிப் பார்க்கிறோம்.

எகிப்து மற்றும் லெபனானில் மார்ச் 21ம்தேதியும், அங்கேரி, போர்ச்சுகல், தென்னாப்பிரிக்கா, ஸ்பெயின் நாடுகளில் மே மாதத்தின் முதல் ஞாயிறு அன்றும் பிரேசில், ஜெர்மனி, ஹாங்காங், இத்தாலி, ஜப்பான், நெதர்லாந்து, நியூசிலாந்து, சிங்கப்பூர், தைவான், அமெரிக்கா, கனடா, சுலோவோகியா, அல்பேனியா, டென்மார்க், பின்லாந்து, இத்தாலி, துருக்கி, ஆஸ்திரேலியா மற்றும் பெல்ஜியம் போன்ற நாடுகளில் மே மாதத்தின் இரண்டாம் ஞாயிறு அன்று கொண்டாடத் தலைப்பட்டதும் ஒவ்வோர் ஆண்டும் இந்தப் பட்டியலில் புதிது புதிதாக இடம் பிடித்து இன்றைக்கு உலகம் முழுவதும் "அன்னையர் தினம்" கொண்டாடும் நிலைக்கு வந்துவிட்டது.

அம்மா என்று அழைக்காத உயிர் ஏதும் உண்டா? அம்மா என்றால் அன்பு என்றும் தாயில்லாமல் நானில்லை; தானே எவரும் பிறந்ததில்லை; எனக்கொரு தாய் இருக்கின்றாள்; என்றும் என்னைக் காக்கின்றாள்...போன்ற திரைப்படப் பாடல்கள் அன்னையின் புகழை வீதிகளில் முழக்கினாலும் ஆதரவற்றோர் இல்லங்களிலும், முதியோர் இல்லங்களிலும் உள்ளம் உடைந்து நித்தம் கண்ணீர் விடும் அன்னையர்கள் நாளும் பெருகுவதும் ஒருபுறம் வேதனை தருவதும் தவிற்க இயலாததாகி வருகிறது. இந்த நாள் கொண்டாடப்படுவதன் மூலமாகவாவது ஒரு சில அன்னையர்கள் தன் பிள்ளைகளோடு வசிக்கும் பேறு கிடைக்கப் பிரார்த்திப்போம்.

நாமும் "மூலம்" அறிந்து கொண்டோம்; வாயார மனமார வாழ்த்திப் போற்றுவோம் நம் "அன்னையை"

5ம் ஆண்டு அஞ்சலி

2010-05-03T09:12:00.000-07:00

அப்பாவைப்பற்றி துக்க செய்தியை சுமந்து வந்த தொலைபேசி மணி அடித்து இன்றோடு 5 வருடங்கள் ஆகிறது. நம் குடும்பம் சுகமாய் வாழ நீங்கள் உங்களை உருக்கிய நாட்களை நினைத்து பார்த்தால், என் கண்ணீர் துளிகள் என்னையும் அறியாமல் வெளி உலகத்தை எட்டிப்பார்கிறது. உங்களுக்கு எங்களின் கண்ணீர் அஞ்சலி...

- உங்கள் பிரிவால் வாடும் குடும்பத்தினர்.

முதலாமாண்டு திருமணநாள் கொண்டாட்டம் - 3

2010-03-08T20:51:00.003-08:00

முதலாமாண்டு திருமணநாள் கொண்டாட்டம் - 3

முதலாமாண்டு திருமணநாள் கொண்டாட்டம் - 2

2010-03-08T20:51:00.001-08:00

முதலாமாண்டு திருமணநாள் கொண்டாட்டம் - 2

முதலாமாண்டு திருமணநாள் கொண்டாட்டம் - 1

2010-03-08T20:50:00.001-08:00

முதலாமாண்டு திருமணநாள் கொண்டாட்டம் - 1

லிட்டில் ராக்கில மறுபடியும் snow ...

2010-02-08T22:54:00.001-08:00

லிட்டில் ராக்கில Snow

2010-01-29T11:44:00.000-08:00

லிட்டில் ராக்கில Snow வந்து 430, 630 ஹைவேல எல்லா வண்டியும் Skid ஆனாதால எங்களுக்கு இன்னைக்கு லீவு விட்டுட்டாங்க...ஜாலி....

நண்பன் சுவாமியின் புது மனை புகு விழா - 3

2010-01-24T05:45:00.003-08:00

நண்பன் சுவாமியின் புது மனை புகு விழா - 2

2010-01-24T05:45:00.001-08:00

நண்பன் சுவாமியின் புது மனை புகு விழா - 1

2010-01-24T05:43:00.001-08:00

தைப் பொங்கல் தின வாழ்த்துக்கள்

2010-01-14T05:39:00.001-08:00

குடும்பத்தினர், நண்பர்கள் மற்றும் உலக தமிழ் மக்கள் அனைவரும் புத்தாடை அணிந்து, பொங்கல் வைத்து நன்றியுடன் உழவர்களின் உழைப்பை உலகிற்கு உணர்த்தும் தமிழர்கள் திருநாளாம் தைப் பொங்கல் தின வாழ்த்துக்கள்.

பொங்கல் மற்றும் அதை தெடர்ந்து வரும் நாட்களை பற்றிப் கீழே விபரமாக பார்ப்போம்.

உலகத் தமிழர்கள் ஒருமித்து, ஒரே மாதிரி கொண்டாடும் ஒரே திருவிழா பொங்கல் திருநாள் எனப்படும் உழவர் திருநாளாகும்.

கடந்த ஆண்டு முதல் தமிழகத்தில் தை முதல் நாளை தமிழ்ப் புத்தாண்டாகவும் அரசின் உத்தரவுப்படி கொண்டாடத் தொடங்கியுள்ளனர்.

பொங்கல் பண்டிக்கைகு விசேஷம் ஒன்று உண்டு. சூரிய பகவான், தை மாதத்திலிருந்து ஆனி மாதம் வரை ஆறு மாதங்களுக்கு தெற்கிலிருந்து வடக்கு நோக்கி பயணிக்கிறார். இதை உத்தராயண காலம் என்பார்கள்.

அதேபோல ஆடி முதல் மார்கழி வரை வடக்கிலிருந்து தெற்கு நோக்கி பயணமாகிறார். இதை தட்சிணாயணம் என்பார்கள்.

இந்த உத்தராயண காலத்தின் தொடக்கத்தை ஆதி காலத்தில் இந்திர விழாவாகக் கொண்டாடியிருக்கிறார்கள். அதுதான் இன்றைய பொங்கல் விழா.

இந்திர விழா அக்காலத்தில் கிட்டத்தட்ட 28 நாட்களுக்கு கொண்டாடப்பட்டதாம். இந்திரனுக்கான விழாவாக இது கொண்டாடப்பட்டுள்ளது. இதனால்தான் இந்த விழாவின் முக்கிய அம்சமாக, இந்திரனின் கரும்பு வில்லை நினைவு கூரும் விதமாக கரும்பு பிரதான இடத்தைப் பிடித்துள்ளது.

உத்தராயண காலத்தின் தொடக்க நாட்களை போகிப் பண்டிகை, பொங்கல் பண்டிகை, உழவர் திருநாள் (மாட்டுப் பொங்கல்) என கொண்டாடுகிறார்கள் இப்போது. தற்போது காணும் பொங்கலும் கடைசி நாள் விழாவாக இணைந்துள்ளது.

போகி:

போகிப் பண்டிகை மார்கழி மாதத்தின் கடைசி நாளன்று கொண்டாடப்படுகிறது.

போக்கி என்பதுதான் மருவி, போகி என்றாகி விட்டது. அதாவது பழைய கழிதலும், புதியன புகுதலும் என்ற அடிப்படை இது. அசுத்தங்களைப் போக்கி சுத்தத்தை வரவேற்பது எனபது இந்தப் பண்டிகையின் தாத்பர்யம்.

அசுத்தம் என்பது வீட்டில் மட்டுமல்லாது நமது மனதிலும் உள்ள அசுத்தங்களைப் போக்குவது, துயரங்கள், துன்பங்கள், கவலைகளைப் போக்குவது என்றும் பொருளாகும்.

போகிப் பண்டிகை பொங்கலுக்கு முதல் நாள் கொண்டாடப்படுகிறது. அன்றைய தினம், வீட்டில் தேங்கிப் போயிருக்கும் குப்பைகள் தேவையற்ற பொருட்கள் அப்புறப்படுத்தப்பட்டு வீடு சுத்தமாக்கப்படும்

இதையொட்டியே பொங்கலுக்கு முன் வீட்டிற்கு புது வர்ணம் பூசி வீட்டை அழகு படுத்துகிறார்கள். பொங்கல் சமயத்தில் வீடு புதுப் பொலிவுடன் காணப்படும்.இது கிராமங்களில் பொங்கல் சமயத்தில் காணக் கிடைக்கும் இனிய காட்சியாகும்.

வீட்டின் வாசலில் மாக்கோலமிட்டு வாசலில் மாவிலை கட்டி பூஜைகள் செய்து இறைவனை வழிபடுவர். அது மட்டுமில்லாது, வீடுகளிலும் அரிசிக்கோலம், பெயிண்டுகளால் கோலமிட்டு அழகுபடுத்துவது தமிழர் பண்பாடு.

போகிப் பண்டிகையின் போது போளி, வடை, பாயசம் போன்றவை இறைவனுக்கு நிவேதனம் செய்யப்படும்.

பொங்கல் பண்டிகை:
இந்தப் பண்டிகை சூரிய பகவானுக்கு நன்றி தெரிவிக்கும் விதமாக கொண்டாடப்படும் பண்டிகையாகும்.

பொங்கும் மங்கலம் எங்கும் தங்கிட தமிழகத்தில் அனைவரும் கொண்டாடும் பண்டிகை பொங்கல்.

பொங்கல் தை மாதம் 1-ம் தேதி, (ஜனவரி மாதம் 14-ம் தேதி) கொண்டாடப்படும்.

வீட்டில் சூரியன் ரதத்தில் வருவது போல் கோலமிட்டு, மாவிலை தோரணங்கள் கட்டி வீட்டை அலங்கரிப்பார்கள்.

பொங்கலுக்கு தமிழர் திருநாள் என்பதைப் போல் உழவர் திருநாள் என்ற சிறப்புப் பெயரும் உண்டு. உழவுக்கும், தொழிலுக்கும் வந்தனை செய்வோம் என்பதற்கேற்ப, உழவர் திருநாள் கொண்டாடப்படுகிறது.

உழவர்கள் இந்தப் பண்டிகையை சிறப்பாக கொண்டாடுவார்கள். வருடம் முழுவதும் வயலில் வியர்வை சிந்த உழைத்த உழவர்கள் பகலவனுக்கு நன்றிதெரிவிக்கும் விதமாக இந்த பண்டிகையை கொண்டாடுகிறார்கள்.

தை பிறந்தால் வழி பிறக்கும் இது ஆன்றோர் வாக்கு. தை திருநாளில் இது வரை இருந்து வந்த துன்பங்கள் நீங்கி நல்வழி பிறக்கும் என்றநம்பிக்கையோடு இந்த பண்டிகை சிறப்பாக கொண்டாடப்படுகிறது.

பொங்கல் தினத்தன்று அடுப்பில் பொங்கல் பானை வைக்கப்பட்டு (முன் காலத்தில் மண்பானை உபயோகப்படுத்தப்பட்டு வந்தது. அதன் பின் வெண்கலத்தால் செய்யப்பட்ட பானை உபயோகப்படுத்தப்பட்டது. இப்போது அதுவும் போய் பெரும்பாலான இடங்களில் குக்கரே பயன்படுத்தப்படுகிறது) அதற்கு பொட்டு வைத்து, பானையைச் சுற்றி மஞ்சள் கட்டி அதில் பால் ஊற்றி சூடு படுத்தப்படும். பால் பொங்கி வந்ததும் குடும்பத்தினர் அனைவரும் பொங்கலோ பொங்கல் என கூறிபொங்கலை வரவேற்பர்.

தை மாதம் பிறக்கும் போது பொங்கல் பானை வைக்கப்படுவது தொன்று தொட்டு இருந்து வரும் வழக்கமாகும். சில சமயம் மாதம் அதிகாலை பிறக்கும். சில சமயம் மதியமோ அல்லது மாலையோ மாதம் பிறக்கும். சில சமயம் இரவு நேரத்தில் கூட மாதம் பிறக்கும். மாதம் பிறக்கும் நேரப்படி பொங்கல் பானை வைக்கப்படும்.

பொங்கலின் சிறப்பம்சம் கரும்பும், மஞ்சள் கொத்தும். பொங்கலன்று பால் பொங்கல், சர்க்கரைப் பொங்கல், வெண் பொங்கல் ஆகியவை தயாரிக்கப்பட்டு சூரியனுக்கு நிவேதனம் செய்யப்படும். கரும்பும் நிவேதனப் பொருளில் முக்கிய இடம் பெறுகிறது.

சூரியனுக்கு நிவேதனம் என்பதால் வீட்டின் மாடியிலோ அல்லது திறந்த வெளி பகுதியிலோ தேரில் சூரியன் வருவது போல் கோலமிடட்டு அதற்கு அருகில்நிவேதனப் பொருட்கள் வைக்கப்பட்டு சூரியனுக்கு பூஜையும், நிவேதனமும் நடைபெறும்.

பொங்கல் தினத்தை முன்னிட்டு கோவில்களில் சிறப்பு பூஜை நடைபெறும். மக்கள் புத்தாடை அணிந்து பொங்கலை கொண்டாடுவார்கள்.

மாட்டுப் பொங்கல்:

இதுவும் உழவர்கள் நன்றி தெரிவிக்கும் பண்டிகைதான். உழவர்கள் ஆண்டு முழுவதும் தங்களுக்காக உழைத்த மாடுகளுக்கு நன்றி தெரிவித்து அவற்றைகும்பிட்டு பூஜை செய்யும் நாள்.

வீட்டிலுள்ள பசு, காளை மாடுகளை குளிப்பாட்டி கொம்புகளுக்கு வர்ணம் தீட்டி அவற்றிற்கு மாலையிட்டு, மஞ்சள் குங்குமம் இட்டு அவற்றை பூஜைசெய்வர். அன்று, காளை மாடுகளின் கொம்புகள் புதுப்பொலிவு பெறும்.

மாடுகள் அழகாக அலங்கரிக்கப்பட்டு அவற்றின் கழுத்தில் சலங்கைகள் கட்டப்பட்டு அவை ஊர்வலமாக அழைத்து வருவர். அவை தாள கதியுடன் ஜல்ஜல் என்ற ஒலியுடன் வருவது காணக் கிடைத்தற்கரிய காட்சியாகும்.

தமிழகத்தில் பல பகுதிகளில் கணு என்ற பெயரில் பொங்கலுக்கு அடுத்த நாள் கொண்டாடப்படுகிறது. குறிப்பாக பிராமணர் வீடுகளில் கணு கொண்டாடப்படும்.

முதல் நாள் செய்த பொங்கலுடன், சாதத்தில் குங்குமம், மஞ்சள் போன்றவை சேர்க்கப்பட்டு பல வண்ணங்களில் சாதம் செய்யப்பட்டு அவை பறவைகளுக்குபடைக்கப்படும்.

பெண்கள், தங்களது சகோதரர்கள் நலமுடன் இருக்க வேண்டும் என்பதற்காக இறைவனை பிரார்த்திக்கும் நாளாக இது கொண்டாடப்படுகிறது.

பொங்கலுக்கு சகோதரர்கள் தங்கள் சகோதரிகளுக்கு அரிசி, பருப்பு,பணம் ஆகியவற்றை பொங்கல் சீராக கொடுப்பதும் நடந்து வருகிறது. அக்காலத்தில்அறுவடை முடிந்த பின் தங்கள் சகோதரிகளுக்கு பிறந்த வீட்டு சீராக நிலத்தில் விளைந்த அரிசி, பருப்பு போன்றவற்றை கொடுத்து தங்கள் மகிழ்ச்சியைபகிர்ந்து கொண்டார்கள். இப்போதும் இந்த பழக்கம் இருந்து வருகிறது.

திருவள்ளுவர் தினம்:

இதே தினத்தன்று திருவள்ளுவர் தினமும் கொண்டாடப்படும். ஒன்றரை அடிகளில் வாழ்வியலுக்கு தேவையான வழிகளை போதித்தவர் திருவள்ளுவர்.

அணுவைத் துளைத்து அதில் ஏழ் கடலை புகுத்தி குறுகத் தரித்த குறள் என்று புகழப்பட்டது திருக்குறள். 133 அதிகாரங்ளில் ஒரு அதிகாரத்திற்கு 10 குறள்கள் வீதம் 1330 குறள்களை எழுதியுள்ளார் திருவள்ளுவர்.

அதை அறத்துப் பால், பொருட் பால், காமத்துப்பால் என மூன்றாக பிரித்து முக்கனியின் சுவையைப் போல், முத்தமிழின் சுவையைப் போல் தமிழர்களுக்கு மட்டுமல்லாது, உலகுக்கே விருந்தளித்துள்ளார் வள்ளுவர்.

திருக்குறள் கிட்டத்தட்ட உலகிலுள்ள அனைத்து மொழிகளிலும் மொழி பெயர்க்கப்பட்டுவிட்டது என்பது இதன் சிறப்புக்கு மேலும் சிறப்பு சேர்ப்பதாகும்.

ஜனவரி மாதம் 15ம் தேதி தமிழகத்தில் திருவள்ளுவர் தினமாக கொண்டாடப்பட்டு வருகிறது.

காணும் பொங்கல்:

பொங்கல் கொண்டாட்டத்தின் கடைசி நாள் நிகழ்வு காணும் பொங்கல். உற்றார் உறவினர்கள், நண்பர்கள் உள்ளிட்டோரைக் கண்டு இனிப்புகளை வழங்கி மகிழ்ச்சியைப் பரிமாறிக் கொள்வது இதன் நோக்கம்.

இந்தக் காணும் பொங்கல் சமீப காலம் மிகவும் உற்சாகத்துடன் ஒரு சுற்றுலா உணர்வுடன் கொண்டாடப்பட்டு வருகிறது.

பொங்கும் மங்கலம் என்றும் தங்கட்டும்
எங்கும் தங்கட்டும்!

2010 New Year Celebration

2010-01-01T17:34:00.000-08:00

Welcome 2010

2010-01-01T17:33:00.000-08:00

Wishing all my friends and family members a great new year's day… filled with peace, love, happiness, good will and fun. Happy New Year!!!

கிருஸ்மஸ் விழா கொண்டாட்டம் 2009 - III

2009-12-20T07:48:00.001-08:00

சுரேஷ் தங்கராஜ் விழாவிற்கு வந்திருந்த அனைவருக்கும் மற்றும் விழா சிறப்பாக நடைபெற உதவிய அனைவருக்கும் நன்றி கூறினார். திருமதி. கீதா பேட்ரிக் நிறைவு ஜெபம் செய்து விழாவை நிறைவு செய்தார்.

பின்னர் பாடல் குழுவினர் கிறிஸ்து பிறப்பு வாழ்த்து பாடல் பாடினர். தொடர்ந்து நான் (ராஜ்குமார் ராஜேந்திரன்) கிறிஸ்மஸ் தாத்தாவாக வந்து அனைவருக்கும் இனிப்பு வழங்கி வாழ்த்து தெரிவித்தேன்.

இந்தியபாரம்பரிய விருந்துடன் விழா இனிதே நிறைவடைந்தது. விழா ஏற்பாடுகளை எபி யேசுநேசதாஸ், சரத் கம்பதுல்லா, மகிழ் இராஜேந்திரன், சுரேஷ் தங்கராஜ், பேட்ரிக் தும்மா, சாலோமன் வேதபிரகாஷ், கென் பென்சன் ஆகியோர் சிறப்பாக செய்திருந்தினர்.

கிருஸ்மஸ் விழா கொண்டாட்டம் 2009 - II

2009-12-20T07:47:00.003-08:00

தொடர்ந்து பாடல் குழுவினர் மூன்று கிறிஸ்து பிறப்பு பாடல்கள் பாடி விழாவிற்கு உற்சாகம் சேர்த்தது.

சிறுவர் பாடல் குழுவினர் இரண்டு கிறிஸ்து பிறப்பு பாடல்கள் பாடி அனைவரது கரகோசங்களையும் பெற்றனர். லில்லி மலர், சந்தியா மற்றும் பார்பரா ஆகியோர் வேதாகமத்திலிருந்து கிறிஸ்துபிறப்பு பகுதியை வாசித்து சிறப்பித்தனர்.

ஆஸ்பரி யுனைட்டட் மெதடிஸ்ட் சபையின் மூத்த போதகர் டாக்டர்.ப்ரையன் பின்க் கிறிஸ்து பிறப்பு நற்செய்தி வழங்கினார். கிறிஸ்து பிறப்பு நிகழ்ச்சியை சிறுவர்கள் நாடகமாக நடித்து அனைவரது பாராட்டுதலையும் கைத்தட்டலையும் பெற்றார்கள். எபி யேசுநேசதாஸ் சிறப்பு விருந்தினருக்கு பரிசு வழங்கி கெளரவித்தார்.

- கொண்டாட்டம் தொடரும்...

கிருஸ்மஸ் விழா கொண்டாட்டம் 2009 - I

2009-12-20T07:47:00.001-08:00

லிட்டில்ராக்: அமெரிக்காவில் அர்கன்சாஸ் மாநிலத்தின் தலைநகரான லிட்டில்ராக் நகரில் லிட்டில்ராக் இந்தியன் கிறிஸ்தவ ஐக்கியம் சார்பில் கிறிஸ்துமஸ் பெருவிழா கொண்டாடப்பட்டது. மாலை 6 மணிக்குஉற்சாகமாக விழா துவங்கியது.

டாக்டர்.மகிழ் இராஜேந்திரன் விழாவிற்கு வந்திருந்த அனைவரையும் வரவேற்று வரவேற்புரை நிகழ்த்தினார். டாக்டர்.ஜேசுராஜா ஜெபம் செய்து விழாவைத் துவக்கிவைத்தார். தொடர்ந்து ஒரு சிறப்பு பாடல் பாடி அனைவரையும் மகிழ்வித்தார். செல்வி.ரக்சனா கிறிஸ்தவ பாடல் ஒன்றிற்கு அருமையாகவும் புதுமையாகவும் பரதநாட்டியம் ஆடி அனைவரின் மனதையும் கொள்ளைகொண்டார்.

- கொண்டாட்டம் தொடரும்...

என்னுடைய பிறந்தநாள் கொண்டாட்டம் - 3

2009-11-09T21:10:00.003-08:00

என்னுடைய பிறந்தநாள் கொண்டாட்டம் - 2

2009-11-09T21:10:00.001-08:00

என்னுடைய பிறந்தநாள் கொண்டாட்டம் - 1

2009-11-09T21:09:00.000-08:00

ஹாலோவீன் தினம்...

2009-11-01T06:28:00.001-08:00

ஹாலோவீன் தினம் நேற்று(அக்டோபர் 31) அமெரிக்கா முழுவதும் வித விதமான உடைகள் உடைகள் அணிந்து கொண்டாடப்பட்டது.இந்த தினத்தை பற்றி கீழே விபரமாக பார்ப்போம். அத்தோடு லிட்டில் ராக்கில் செகண்ல் பிரஸ்பைடேரியன் சர்ச்சில் குழுமியிருந்த மக்களையும், புகைப்படங்ளை இங்கே பார்க்கலாம்.

Halloween (also spelled Hallowe'en) is an annual holiday celebrated on October 31. It has roots in the Celtic festival of Samhain and the Christian holy day of All Saints, but is today largely a secular celebration. Halloween activities include trick-or-treating, wearing costumes and attending costume parties, carving jack-o'-lanterns, ghost tours, bonfires, visiting haunted attractions, pranks, telling scary stories, and watching horror films.

Trick-or-treating is a custom for children on Halloween. Children proceed in costume from house to house, asking for treats such as candy, or sometimes money, with the question, "Trick or treat?" The "trick" is an idle threat to perform mischief on the homeowners or their property, such as eggs and flour being thrown at householders windows if no treat is given.

Halloween - Today's Traditions:

The American tradition of "trick-or-treating" probably dates back to the early All Souls' Day parades in England. During the festivities, poor citizens would beg for food and families would give them pastries called "soul cakes" in return for their promise to pray for the family's dead relatives.

The distribution of soul cakes was encouraged by the church as a way to replace the ancient practice of leaving food and wine for roaming spirits. The practice, which was referred to as "going a-souling" was eventually taken up by children who would visit the houses in their neighborhood and be given ale, food, and money.

In the 1932, George Peters works on these Halloween masks.

The tradition of dressing in costume for Halloween has both European and Celtic roots. Hundreds of years ago, winter was an uncertain and frightening time. Food supplies often ran low and, for the many people afraid of the dark, the short days of winter were full of constant worry. On Halloween, when it was believed that ghosts came back to the earthly world, people thought that they would encounter ghosts if they left their homes. To avoid being recognized by these ghosts, people would wear masks when they left their homes after dark so that the ghosts would mistake them for fellow spirits. On Halloween, to keep ghosts away from their houses, people would place bowls of food outside their homes to appease the ghosts and prevent them from attempting to enter.

சத்யா பிறந்த நாள் - 3

2009-10-30T18:01:00.003-07:00

சத்யா பிறந்த நாள் - 2

2009-10-30T18:01:00.001-07:00

சத்யா பிறந்த நாள் - 1

2009-10-30T18:00:00.001-07:00

விர்ஜினியா & வாசிங்டன் ட்ரிப் - நாள் 3

2009-10-29T20:28:00.002-07:00

விர்ஜினியா & வாசிங்டன் ட்ரிப் - நாள் 2

2009-10-29T20:28:00.001-07:00

விர்ஜினியா & வாசிங்டன் ட்ரிப் - நாள் 1

2009-10-29T20:26:00.000-07:00

தலை தீபாவளி கொண்டாட்டம் - 3

2009-10-18T09:53:00.003-07:00

தலை தீபாவளி கொண்டாட்டம் - 3

தலை தீபாவளி கொண்டாட்டம் - 2

2009-10-18T09:53:00.001-07:00

தலை தீபாவளி கொண்டாட்டம் - 2

தலை தீபாவளி கொண்டாட்டம் - 1

2009-10-18T09:52:00.000-07:00

தலை தீபாவளி கொண்டாட்டம் - 1

இனிய தீபாவளி நல்வாழ்த்துக்கள்

2009-10-17T09:04:00.000-07:00

வாழ்த்தும்போது வாழ்வை வாழ்த்துவோம் - இனிப்பு
வழங்கும்போது நட்பை வழங்குவோம்
வெடிக்கும்பேது வெறுப்பை வெடிப்போம் - இன்று
ஒருநாளேனும் ஒழுங்காய் குளிப்போம்.

தெய்வங்கள் என்றும் காத்திருக்கும் சிலைகளாக
மனிதன்தான் கண்ணிமைக்கும் முன் மறைந்து போகிறான்
ஏழையின் வயிறும் கோயில் உண்டியல்தான்
புண்ணியம் சேர்ப்பதில்

பகிர்வோம்.
பதார்த்தம் பகிர்வோம்,
பண்டிகையைப் பகிர்வோம்.

கண்களை மூடிக்கொண்டு இருட்டென்கிறோமாயின்
கண்களில் விளக்கேற்றுவோம் - குறைந்தபட்சம்
கண்களை திறப்போம்.

காற்றில் பொருட்டென்றில்லாமல்
மிதக்கும் தூசிபோல
இயற்கையில் நாம் என உணர்வோம்

அகந்தைஎனும் அரக்கனை அழிப்போம்,
அன்பை மட்டுமே விதைப்போம்.

பண்டிகைகள் Funடிகைகளாக
டி.வியை அணைப்போம் -அன்பில்
குடும்பம் நண்ர்களை இணைப்போம்
அரவணைப்போம்.

அனைவருக்கும் இனிய தீபாவளி நல்வாழ்த்துக்கள்...

தீப ஒளி திருநாள் நல்வாழ்த்துக்கள்

2009-10-17T09:03:00.000-07:00

அனைத்து நண்பர்களுக்கும் மற்றும் குடும்பத்தாருக்கும் எங்களுடைய இதயம் கனிந்த தீப ஒளி திருநாள் நல்வாழ்த்துக்களை தெரிவித்துக் கொள்கிறோம்.

May the warmth and splendor, that are a part of this auspicious occasion, fill your life with happiness and bright cheer, and bring to you joy and prosperity, for the whole year. Have a prosperous Deepavali.

- ராஜ்குமார் மற்றும் சத்யா

உன்னைப்போல் ஒருவன்

2009-09-20T17:09:00.002-07:00

கலைப்படமாக இருந்தாலும் கொலைப்படமாக இருந்தாலும் மக்களுக்கான படமாக இருக்கவேண்டும்... மக்களைப் பிரதிபலிக்கும் படமாக இருக்கவேண்டும்। அவையே மக்களின் வரவேற்பைப் பெறும்। இதுதான் நல்ல சினிமாவுக்கான பார்முலா. அதை கமல்ஹாஸன் இந்த முறை முயன்று பார்த்து ஜெயித்தும் காட்டியிருக்கிறார்.

"தீவிரவாதத்தின் விளைவுகள் உடனடியாக மக்களைத் தாக்குகின்றன... ஆனால் அந்தத் தீவிரவாதத்தைத் தந்தவர்களுக்கோ தண்டனைகள் தாமதமாக, வலிக்காமல் வழங்கப்படுகின்றன... தீவிரவாதத்துக்கு உடனடி தண்டனை தீவிரவாதமே..." என்ற ஒரு தனி மனிதனின் கோபம்தான் 'உன்னைப்போல் ஒருவன்'.

திருவாளர் பொதுஜனங்களுள் ஒருவரான கமல்ஹாஸன் பல நாள் முயன்று, ஒரு சுபநாளில் வெடிகுண்டு தயாரித்து முடிக்கிறார். ஒரு நாள் காலை அவற்றைக் கருப்புப் பைகளில் வைத்து காவல் நிலையம், ரயில், ஷாப்பிங் மால் என நகரின் முக்கியப் பகுதிகளிலெல்லாம் வைக்கிறார்.

பின்னர் கூலாக கடைவீதிக்குப் போய் மனைவி போட்டுக் கொடுத்த பட்டியலில் உள்ள காய்கறிகள் வாங்கிக் கொண்டு, பாதி கட்டி முடித்த ஒரு கட்டடத்தின் உச்சிக்குப் போகிறார். ஒரு பலகையை விரித்துப் போட்டு, கையோடு கொண்டு வந்திருக்கும் அத்தனை கம்ப்யூட்டர் சாதனங்களையும் பரப்பி, அசெம்பிள் செய்து, நிதானமாக மாநகர காவல்துறை கமிஷனர் மோகன்லாலுக்கு போன் செய்கிறார். தான் குண்டு வைத்திருக்கும் விவரங்களை தெளிவாக சொல்கிறார்.

அடுத்த நொடி கமிஷனர் அலுவலகம் பரபரப்பாகிறது, முதல்வர் லைனில் வருகிறார். உள்துறைச் செயலாளர் லட்சுமி, கமிஷனர் அலுவலகத்துக்கு வரவழைக்கப்படுகிறார். தீவிரவாத பேரம் ஆரம்பிக்கப்படுகிறது.

வைத்திருக்கும் குண்டுகள் வெடிக்காமல் இருக்க மும்பை, கோவை, அசாம் என பல இடங்களில் ஆயிரக்கணக்கான மக்கள் உயிரைக் குடித்த குண்டு வெடிப்புகளுக்குக் காரணமான நான்கு படுபயங்கர தீவிரவாதிகளை விடுவிக்கச் சொல்லி நிபந்தனை விதிக்கிறார் கமல்.

வேறு வழியில்லை... நிலைமையின் தீவிரம் புரிந்து தீவிரவாதிகளை விடுவிக்க ஒப்புக் கொள்கிறது அரசு. அதேநேரம் கமல்ஹாஸனின் இந்த செயலுக்கான பின்னணி, அவர் இருக்கும் இடத்தையும் காண முயற்சிக்கிறார் கமிஷனர்.

கமல்ஹாஸனின் நிபந்தனைப்படிதீவிரவாதிகள்நால்வரும் விடுவிக்கப்படுகிறார்கள். ஆனால் அவர்களில் ஒருவனை மட்டும் உடன் செல்லும் அதிரடிப்படை அதிகாரி திடீரென பிடித்துக் கொள்ள, மற்ற மூவரும் தப்பித்து அங்கு நிறுத்தப்பட்டுள்ள ஜீப்பில் ஏறுகிறார்கள். அடுத்த நொடியில் ஜீப் வெடித்துச் சிதற, அதிர்ச்சியில் உறைந்து போகிறது காவல்துறை.

அந்த நான்காவது நபரையும் கொல்ல வேண்டும் என கமலிடமிருந்து அடுத்த போன் வருகிறது. தொடரும் விவாதங்கள், மிரட்டல்களுக்குப் பிறகு அந்த நான்காவது தீவிரவாதியும் கொல்லப்படுகிறான்.என்ன நடந்தது... ஏன் விடுவிக்கப்படும் தீவிரவாதிகள் கொல்லப்படுகிறார்கள்? -இது க்ளைமாக்ஸ்.

எந்தக் குண்டும் வெடிக்காமலேயே, எந்தக் கட்டடமும் சிதறாமலேயே அந்த எபெக்ட் படம் முழுக்க இருக்குமாறு செய்திருக்கும் கமல் அண்ட் கோவின் கூட்டு முயற்சிக்கு ஒரு ஹேட்ஸ் ஆஃப்!

பொதுவாக இந்த மாதிரி படங்களில் முதல்வர் போன்ற பாத்திரங்கள் வரும்போது யாரையாவது டம்மியாகக் காட்டி காமெடி பண்ணுவார்கள். ஆனால் கமல் தனது செல்வாக்கைப் பயன்படுத்தி நிஜ முதல்வரையே நடிக்க வைத்திருக்கிறார், குரல் மூலம்! படத்தில் காட்டப்படுவதும்கூட நிஜ முதல்வரின் வீடுதான்.

இதுபோன்ற நெருக்கடிக்கு மாநகரம் உள்ளாகும்போது, உயர்மட்ட அதிகாரிகள் படும்பாடு இயல்பாக வர்ணிக்கப்பட்டுள்ளது.படத்தின் பெரும் பலம் வசனங்கள் (இரா முருகன்). ஆனால் சில வசனங்கள் ஏற்புடையதாயில்லை.

"மும்பையில் குண்டுவெடித்தால் நாம் டிவியில் செய்தி பார்த்துவிட்டு, வேறு சானலுக்கு மாறுகிறோம். அதிலும் தமிழ்ச் சேனல்களில் அதைக் காட்டுவதுகூட இல்லை. காரணம் வேறு எங்கோ நடக்கிற உணர்வில் நாம் இருப்பதுதான். நாம பேசறது வேற மொழிதானே... எவனுக்கோ நடக்குது நமக்கென்ன என்ன அலட்சியம்..." என்கிறார் கமல். இது போன்ற வசனங்கள் நிச்சயம் சாட்டையடியே.

அதேநேரம் தீவிரவாதமென்றாலே முஸ்லிம்கள்தான் என்று நிலை நிறுத்தாமல், சிறுபான்மையினரை குஜராத்தில் காவு கொண்ட கொடூரத்தை கதைக்குள் கமல் பதிவு செய்திருப்பது சாமர்த்தியமானது. இது ஒரிஜினல் படமான 'த வென்ஸ்டேவில்' இல்லாததும்கூட.

ஒவ்வொரு பாத்திரத்துக்கும் கலைஞர்களைத் தேர்வு செய்திருக்கும் விதம் பாராட்டுக்குரியது. இந்தப் படத்துக்கு இத்தனை பெரிய நட்சத்திரங்கள் தேவையா என்று கூட சிலர் கேட்கக் கூடும். கட்டாயம் இந்த மாதிரிப் படத்துக்குதான் பெரிய நட்சத்திரங்கள் தேவை. சரியான கருத்தை முன்னெடுத்துச் செல்ல அவர்களே சக்திமிக்க ஊடகமாக மாறும் அதிசயம் அப்போதுதான் நடக்கும். அதுதான் இந்தப் படத்துக்கும் கூடுதல் அழுத்தம், நம்பகத்தன்மையைத் தருகிறது.

பெரும்பாலும் தன்னை பின்னுக்கு நகர்த்திக் கொண்டு மோகன்லாலையே பிரதானப்படுத்தியிருக்கிறார் கமல்.

இரிஞாலக்குடா ராமச்சந்திரன் மாரார் என்ற மலையாளி கமிஷனர் வேடத்தில் பிரமாதப்படுத்தியிருக்கிறார் மோகன்லால். வேறு எந்த நடிகரையும் இந்த வேடத்தில் இப்போது நினைத்துப் பார்க்கவும் முடியவில்லை.தன்னை அதிக அதிகாரம் கொண்ட ஒரு கான்ஸ்டபிள் என கூறிக் கொள்ளும் லால், தனது கீழ்நிலை அதிகாரிகளுடன் கொண்டுள்ள பிணைப்பு... தீவிரவாதிகளுடன் அனுப்பப்படும் தனது சின்சியர் ஆபீஸர்களிடம், 'புல்லட் புரூப் சரியாக பொருந்துகிறதா... பத்திரம்... ஈவ்னிங் பீர் பார்ட்டி வச்சுக்கலாம்', என கடமை, அக்கறை, பரிவு, நட்பு என உணர்வுகளை மாறி மாறி காட்டுமிடத்தில் மாரார் ஜொலிக்கிறார்!

மோகன் லாலுக்கும் லட்சுமிக்கும் நடக்கும் உரையாடல், பனிப்போரைப் பார்க்கும் தலைமைச் செயலக/ கமிஷனர் அலுவலக அதிகாரிகள் நிச்சயம் தங்களுக்குள் சிரித்துக் கொள்ளக்கூடும். காரணம் அத்தனை நிஜமான சித்தரிப்பு.

கமல் நடிப்பு பற்றி சொல்வதற்கு முன்...

மாற்றங்களை உணர்ந்து மாறிக் கொள்பவனே நல்ல கலைஞன் என்பார்கள். அதைத்தான் இந்த முறை கமல் முயற்சித்திருக்கிறார்.

ஒரு டீமின் கேப்டனே எல்லா பந்துகளையும் ஆட வேண்டும் என்பதல்ல... எல்லாரையும் ஆட விட வேண்டும். மேன் ஆப் தி மாட்ச் யாருக்கும் கிடைக்கலாம். ஆனால் பெருமை கேப்டனுக்கு. அப்படித்தான் இந்தப் படத்திலும். மோகன்லால்தான் மேன் ஆப் தி மேட்ச். ஆனால் அந்தப் பெருமையில் கேப்டன் கமலுக்கே கணிசமான பங்கு போய் சேருகிறது.

தன் கண்முன் ஒரு சகோதரிக்கு நிகழ்ந்த கொடூரத்தை அவர் விவரிக்கும் காட்சியில், நம்மையுமறியாமல் துக்கம் தொண்டையை அடைக்க, கண்ணீர் உதடுகளை நனைக்கிறது.

கணேஷ் வெங்கட்ராம், பரத் ரெட்டி இருவருமே கலக்கியிருக்கிறார்கள், அதிரடிப் படை வீரர்களாய்.பரத் ரெட்டி, ஸ்ரீமன், சிவாஜி, சந்தானபாரதி, அனுஜா, பூனம்॥ அட கடைசியாக வரும் அந்த ஐஐடி ட்ராப் அவுட் என அனைவரது நடிப்புமே, அட்சர சுத்தம்.

ரெட் ஒன் ஒளிப்பதிவு, எடிட்டிங் என எதிலுமே முதல் தரத்தைத் தந்திருக்கிறார்கள். எந்த இடங்களில் இசை இருக்கக் கூடாது என்ற பாலபாடத்தை இந்தப் படத்தில் கற்றுக் கொண்டிருக்கிறார் ஸ்ருதி. அவர் திறமையைக் காட்ட இன்னும் காலமும் வாய்ப்பும் இருக்கிறது. காத்திருப்போம்.

படத்தில் குறைகள் என்று பெரிதாக எதையும் காட்ட முடியாது. ஒருநாளின் சில மணி நேரத்துக்குள் பெரிய காரியம் ஒன்றைச் சாதிக்கும்போது இடரும் சில மைனஸ்களைப் போலத்தான் இந்தப் படத்திலும் சில கருத்துப் பிழைகள். ஆனால் அவற்றைப் பெரிதுபடுத்தத் தேவையில்லை. இது உலகத்துக்கே பொருந்தும் பொதுவான ஒரு படம்.

மக்களுக்கான படங்கள் ஜெயித்தே தீரவேண்டும்... அதை ரசிகர்கள் புரிந்து கொண்டு இந்த மாதிரி படங்களைக் கொண்டாட வேண்டும்

கமல் மீண்டும் ஒரு முறை.....தான் ஒரு கலைபிள்ளை என்று நிருபித்துள்ளார்.

Canada & New York Trip - Day 5

2009-09-20T17:09:00.001-07:00

Canada & New York Trip - Day 4

2009-09-20T17:08:00.004-07:00

Canada & New York Trip - Day 3

2009-09-20T17:08:00.003-07:00

Canada & New York Trip - Day 2

2009-09-20T17:08:00.001-07:00

Canada & New York Trip - Day 1

2009-09-20T17:07:00.000-07:00

San Antonio, Corpus Christi Trip - Day 3

2009-09-08T22:35:00.001-07:00

San Antonio, Corpus Christi Trip - Day 3

San Antonio, Corpus Christi Trip - Day 2

2009-09-08T22:34:00.002-07:00

San Antonio, Corpus Christi Trip - Day 2

San Antonio, Corpus Christi Trip - Day 1

2009-09-08T22:34:00.001-07:00

San Antonio, Corpus Christi Trip - Day 1

அர்கன்ஸாஸ் தமிழ் சங்கம் விளையாட்டு விழா 2009 - 5

2009-08-22T21:54:00.003-07:00

அர்கன்ஸாஸ் தமிழ் சங்கம் விளையாட்டு விழா 2009 - 5

அர்கன்ஸாஸ் தமிழ் சங்கம் விளையாட்டு விழா 2009 - 4

2009-08-22T21:54:00.001-07:00

அர்கன்ஸாஸ் தமிழ் சங்கம் விளையாட்டு விழா 2009 - 4

அர்கன்ஸாஸ் தமிழ் சங்கம் விளையாட்டு விழா 2009 - 3

2009-08-22T21:52:00.001-07:00

அர்கன்ஸாஸ் தமிழ் சங்கம் விளையாட்டு விழா 2009 - 3

அர்கன்ஸாஸ் தமிழ் சங்கம் விளையாட்டு விழா 2009 - 2

2009-08-22T21:51:00.003-07:00

அர்கன்ஸாஸ் தமிழ் சங்கம் விளையாட்டு விழா 2009 - 2

அர்கன்ஸாஸ் தமிழ் சங்கம் விளையாட்டு விழா 2009 - 1

2009-08-22T21:51:00.001-07:00

அர்கன்ஸாஸ் தமிழ் சங்கம் விளையாட்டு விழா 2009 - 1

62வது சுதந்திர தின நல்வாழ்த்துக்கள்

2009-08-15T11:18:00.000-07:00

இந்தியாவின் 62வது சுதந்திர தின விழா கொண்டாட்டம் இன்று லிட்ட்லில் ராக்கில் இந்தியமக்கள் புடை சூழ கொண்டாடப்பட்டது. .

அனைவருக்கும் சுதந்திர தின நல்வாழ்த்துக்கள்...

அர்கான்ஸாஸ் ரிவர் பிரிட்ஜ்ல வாக்கிங்...

2009-08-08T20:18:00.001-07:00

இன்னைக்கு சாயங்காலம் அர்கான்ஸாஸ் ரிவர் பிரிட்ஜ்ல மீனாட்சி பேமிலி, சீனி பேமிலி, ஈஸ்வர் பேமிலி, சத்யா அண்ட் நானும் சேர்ந்து வாக்கிங் போனோம். வெதர் நல்லா இருந்ததால எல்லோரும் நல்லா என்ஜாய் பண்ணினோம்.

பிறந்தநாள் தின நல்வாழ்த்துக்கள் அம்மா

2009-07-22T17:08:00.000-07:00

பிறந்தநாள் இன்று பிறந்தநாள்
நாம் பிள்ளைகள் போலே
தொல்லைகள் எல்லாம் மறந்த நாள்
ஹேப்பி பர்த்டே டூ யூ.....

சென்ற வருடம் அம்மாவின் பிறந்த நாளை லிட்டில் ராக்கில் நண்பர்கள் சூழ கொண்டாடினோம். இந்த வருடம் அம்மா, தங்கை குடும்பத்தாருடன் மகிழ்ச்சியாக கொண்டாடியதாக இன்று காலை போனில் சொன்னார்கள்.

பல ஆண்டு மகிழ்ச்சிகரமாக வாழ அம்மாவை வாழ்த்துகிறோம்.

First Fireworks

2009-07-04T20:49:00.000-07:00

Happy Father's Day

2009-06-21T14:36:00.000-07:00

தனது குடும்பத்திற்காக உழைத்து, இழைத்துப் போகும் ஒவ்வொரு அப்பாவை பாராட்டும் முகமாக வருடந்தோறும் தந்தையர் தினம் கொண்டாடப்படுகிறது. அவர்களை பற்றி இணைய தளத்தில் படித்த கவிதை இங்கே...

It takes more than blood to be a dad.
Oh this is surely a proven fact.
I’ve seen men give his heart to a child …
Never once think of taking it back.

A Dad is the one who is always there;
He protects a child from all harm.
He gives a child the assurance that he
will be their anchor in any storm.

A real Dad is a man that teaches his child
all the things in life he needs to know.
He’s the tower of strength a child leans on.
The source of love that helps them grow.

There are men that children call Daddy.
Oh, he is their shelter when it rains.
He showers them with unconditional love.
As if it were his blood in their veins.

Whenever you meet a Dad that redefines the word,
honor him with all the respect that is due.
Understand that he proudly wears this banner …
Because his heart is big enough for you.

It’s sad but true that not all men understand
it takes more than blood to be a dad.
Someday if they wake up to their empty life …
They shall miss what they could have had.

To those men who will never be a dad …
No matter what they say or do.
It takes more than blood to possess that title …
And it’s only found in a man like you.

“FATHER IS THE REAL COURAGE OF OUR LIFE,
MOM IS THE CARE !”

* Those who missed their father in life know what courage they loosed *

100வது நாள்...

2009-06-16T12:24:00.000-07:00

பசங்க...

2009-06-06T10:27:00.000-07:00

வெள்ளிக்கிழமை, வீக் எண்ட் ஸ்டார்ட் ஆகிடிச்சு. வாசிங் போட்டு துணியை டிரையருக்கு மாத்திட்டு,பரம் அண்ணன் வீட்டுக்கு போனோம். அவரு, நைட்டு வீட்டுக்கு வாடா புதுசா "பசங்க" படம் வந்து இருக்கு, பார்க்கலாம்ன்னு சொன்னாரு. சரின்னு சத்யாவும், நானும் அண்ணன் வீட்டுக்கு 9:30 மணிக்கு போனோம். அங்கே டின்னருக்கு இட்லி, தேசை, தேங்காய் சட்டினி, தக்காளி சட்டினின்னு ஒரு கட்டு கட்டிட்டு படத்தை பார்க்க ஆரம்பிச்சோம். படம் நான் எதிர்பார்த்தவிட ரெம்ப, ரெம்ப சுப்பர். எல்லோரும் நல்ல என் ஜாய் பண்ணி பார்த்தோம். படம் போனதே தெரியல. படத்தைப்பத்தி விகடன்ல போட்ட விமர்சனம் இங்கே...

'நம்ம பசங்க இவங்க!' என்று உச்சி முகர்ந்து உலகத்துக்குச் சொல்ல, சமகால வரலாற்றில் தமிழில் ஒரு சிறுவர் சினிமா!

முதல் முயற்சியிலேயே முத்திரை பதித்திருக்கிறார் அறிமுக இயக்குநர் பாண்டிராஜ். தியேட்டரில் அந்தப் பசங்களுடனேயே பயணித்துப் பிரிய மனமில்லாமல் திரும்பித் திரும்பிப் பார்த்துச் செல்லும் குழந்தைகளின் 'தேங்க்ஸ்' மொத்தமும் உங்களுக்கே உங்களுக்கு!

சதா சண்டைக் கோழிகளாகப் பிரிந்து நின்று முட்டி மோதி மூக்குடைக்கும் குறும்புப் 'பசங்க' கதை. லிட்டில் டெரரிஸ்ட் ஜீவா. அப்பாவே வாத்தியாராக இருப்பதால், ஜீவாவின் அட்டகாசங்கள் ஊரையே உலுக்கியெடுக்கின்றன. கூடவே, கும்மாளமடிக்கும் சக ஜபர்தஸ்துகள் பக்கடா மற்றும் குட்டிமணி. அந்தப் பள்ளிக்கூடத்துக்கு வந்து சேர்கிறான் அன்புக்கரசு. ஆறாம் வகுப்பிலேயே 'அன்புக்கரசு ஐ.ஏ.எஸ்' என்று போட்டுக் கொள்ளும் ஸ்டூடன்ட் நம்பர் ஒன். முதல் நாளே அன்புக்கும் ஜீவாவுக்கும் மோதல். எதிரெதிர் வீட்டில் இருக்கும் இருவரின் குடும்பங்களும் தெருச் சண்டை போட்டுக்கொள்ளும் அளவுக்கு வினையாகிறது விளை யாட்டுச் சண்டை. இவர்களுக்கிடையே மோதல்என்றால், அன்புவின் எல்.ஐ.சி. சித்தப்பாவுக்கும் ஜீவாவின் பால்வாடி டீச்சர் அக்காவுக்கும் காதல். காதல் ஜோடி இணையத் துடிக்க, மோதல் பசங்க பிரிக்கத் துடிக்க... யார் ஜெயித்தார்கள் என்பது மீதிக் கதை!

'தோளில் கை போட்டால் குட்டையாகிவிடுவேன்' என்கிற பயம், 'இந்த அடியை நாளைக்கு வரைக்கும் மறக்காதே' என்று அன்பைச் செல்ல அடியாக வெளிப்படுத்தும் பிரியம், 'அது எப்படிடா ஒருத்தனுக்கு ஒண்ணுக்கு வந்தா எல்லாத்துக்கும் வருது?' என்கிற சந்தேகம் என... பால்ய காலத்தின் பக்கங்களை ஜாலியாகப் புரட்டும் கதை.

'நான் தயிர்சாதம்', 'நான் சர்க்கரைப் பொங்கல்', 'நான் புளியோதரை' என்று எதிரி வீட்டு முற்றத்தை நாசம் பண்ணும் ஜீவா அண்ட் கோ ஒரு பக்கம், இல்லாத பைக்கைக் கற்பனை யாக ஓட்டிக் கனவு காணும் அன்புக்கரசு இன்னொரு பக்கம் என அறிமுகக் காட்சிகளும் அவர்களுக்கான 'ஓப்பனிங் ஸாங்'கும் அசத்தல்.
கைத்தட்டலுக்கும் பாராட்டுக்கும் ஏங்கும் அன்புக்கரசு கேரக்டர் தமிழ் சினிமாவுக்கே புதிது. 'பெர்ஃபெக்ட் ஸ்டூடன்ட்' கேரக்டரில் கிஷோர் பக்கா பாந்தம். சதா சண்டை போட்டுக்கொண்டே இருக்கும் அப்பா - அம்மாவைச் சமாதானப்படுத்த முயற்சிக்கும்போதும், வம்புக்கார ஜீவாவைச் சரிக்குச் சரி நின்று சமாளிக்கும்போதும் கிஷோரின் கண்களில் அத்தனை எக்ஸ் பிரஷன்கள்!

'குழந்தை வில்லன்' ஜீவாவாக ராம். அரசுப் பள்ளி வாத்தியார் பையன்களுக்கே இருக்கும் இயல்பான திமிர். வகுப்பில் தன்னைக் கண்டிக்கும் அப்பாவை, 'அவனை விட்டுட்டு என்னையத் திட்ற... இரு, அம்மாகிட்ட சொல்றேன்!' என்று எகிறும்போதும், அதே அப்பாவிடம் 'சிகரெட்டை விட்ருப்பா... எல்லாம் உன்னைக் கிண்டல் பண்றாங்க' என்று வரம் வாங்கும்போதும் தேர்ந்த நடிப்பு. தன் அப்பா, அன்புக்கரசுவைப் பாராட்டும்போதெல்லாம் ஜீவா முகத்தில் தெரிவது அக்னி நட்சத்திரச் சூடு! ஜீவாவின் கைத்தடிகளாக வருகிற பக்கடா (பாண்டியன்), குட்டிமணி(முருகேஷ்) இருவரும் காªமடி ரவுடிகள். 'ஜீவா கோபமாயிட்டான். அவன் பணக் காரன்டா. சட்டைப் பையைக் கிழிச்சுக்குவான்டா!' என்று ஜீவாவை உசுப்பேத்தி, சில்லறைகளைச் சிதற வைக்கிற பக்கடாவின் ஐடியாக்கள் அத்தனையும் சிரிப்பு பாஸ்பரஸ். பக்கடா ஏத்திவிட... 'ம்ம்' என்று அதற்கு ஜால்ரா வாசிக்கிற குட்டிமணியின் பக்க வாத்தியம் அவ்வளவு அழகு. 'அம்மா... குஞ்சுமணி வெளியே வந்திருச்சு!' என்று ஓட்டை ஜட்டியுடன் அறிமுகமாகும் 'புஜ்ஜிமா' கார்த்திக் ராஜா குறும்பு ஹைக்கூ. இரு குடும்பங்களும் நடுத்தெருவில் சண்டை போடும்போது, வாத்தியாரைப் பார்த்துக் 'கொன்னுருவேன்' என்று பிஞ்சு விரல் காட்டுவதும், பெண் குழந்தைகளிடம் அன்பு காட்டி ஆண் குழந்தைகளை அடித்துவைத்து 'எப்பூடி?' என்று கேள்வி கேட்டும், படம் முழுக்க ரகளை செய்கிறான். ஜீவாவின் அத்தைப் பெண் புவனேஸ்வரியாக வரும் தாரிணியின் கண்களில் கள்ளமில்லா சில்மிஷ காந்தம்!
'இங்கிட்டு மீனாட்சி... அங்கிட்டு யாரு?' என்று சதா மொபைல் மொக்கையில் பிஸியாகத் திரியும் எல்.ஐ.சி. ஏஜென்ட்டாக வரும் விமல், அறிமுகமா? ஆச்சர்யப்படுத்துகிறார். 'ஒரு பாலிஸிகூடக் கிடைக்கலை. எப்படியும் உங்கப்பா நம்ம காதலைச் சேர்த்துவைக்க மாட்டாரு. பழகுன பழக்கத்துக்கு ஒரு பாலிஸி யாவது போடேன்!' என்று காதலியிடமே கையெழுத்துக் கேட்பதில், டிரேட் மார்க் தமிழக விடலையைக் கண் முன் நிறுத்துகிறார். அட, 'சரோஜா' வேகாவா இது? பால்வாடியில் தூங்கி வழியும் சோப்ளாங்கி டீச்சராக, 'நீங்க என்னைப் பாராட்டுறீங்களா... இல்லை, ஓட்டுறீங்களா?' என்று குழம்புகிற அசட்டு அழகு ஃபிகராகப் பின்னியிருக்கிறார். 'கேணப் பய! கிறுக்கச்சி மாதிரி என்னைத் தனியாப் பேசவெச்சிட்டானே' என்று புலம்புவதும், புருவ நெளிவுசுளிவுகளிலேயே கதை பேசுவதுமாக... வேகா-ஆஹா!

செல்போன்களையே காதலுக்கு உதவும் உருப்படிகளாகக் காட்சிப்படுத்தியிருப்பது லவ்லி. 'மாமோய்! நீங்க எங்க இருக்க்க்க்க்க்கீங்க?' என்று ஆரம்பித்து, விதவிதமாகக் கதறும் ரிங்டோன்களையே காதல் காட்சிகளுக் குப் பின்னணி இசையாகச் சேர்த்திருப்பது ரசனை.
ஜீவாவின் அப்பாவாக வரும் வாத்தியார் சொக்கலிங்கத்துக்கு (ஜெயப்பிரகாஷ்), ரோல்மாடல் வாத்தியார் கேரக்டர். தேவையான பாவனைகளைத் தேர்ந்தெடுத்துத் தருகிறார். அன்புக்கரசுவின் அப்பாவாக வரும் சிவக்குமாரும், அம்மாவாக வரும் செந்திகுமாரியும் நடுத்தர வர்க்கத்துக்கும் கீழான படியிலிருக்கும் வர்க்கங்களின் பெற்றோர்களைக் கண்ணாடியாகப் பிரதிபலிக்கிறார்கள்.
ஒரு நடுவாந்தர நகரம், அதன் மனிதர்கள், அதன் வருட முழுமைக்குமான இயக்கங்களை (தீபாவளித் தள்ளுபடி வண்டி, 'சார், கொஞ்சம் ஓரமா நின்னு சண்டை போடுங்க சார்' என்று அறிவித்து நகர்ந்து செல்வது வரை... பிரமாதம்!) அச்சு அசலாகப் படியெடுத்திருப்பதில், கலை இயக்குநருக்கும் ஒளிப்பதிவாளருக்கும் சரிசம சபாஷ்! பருவங்களாக நகர்கிற கதையில் மழை, வெயில், வசந்தம் என்று கால நிலைகளைக் கச்சிதக் காட்சிகளாக்கி இருக்கிறார் ஒளிப்பதிவாளர் பிரேம்குமார். ஜேம்ஸ் வசந்தன் இசையில் பாலமுரளி கிருஷ்ணாவின் குரலில், 'அன்பாலே அழகாகும் வீடு...' மனதைப் பஞ்சாக இழையவைக்கிறது.

ஒரு சின்ன நகரத்தில் இப்படி ஒரு ஜோடி ஸ்கூட்டியில் வளைய வரும் விஷயம் வீடு வந்து சேர எத்தனை நாளாகும்? முதல் பாதியில் வேடிக்கை வினோதக் காட்சிகளே தொடர்வது, ட்விஸ்ட் அண்ட் டர்ன் எதிர்பார்க்கும் யுகத்தில், கொஞ்சம் நீளமே. அன்புவின் அப்பா குடம் தயாரிக்கும் ஃபேக்டரி ஆரம்பிக்கும்போதே கணவன்-மனைவி இருவரும் ராசியாகிவிடுகிறார்கள். அதற்கடுத்தும்விவாகரத்து அளவுக்கு வரும் குடும்பச் சண்டையும், சொக்கலிங்க வாத்தியாரின் அட்வைஸூம் திணிக்கப்பட்ட உணர்வையே தருகின்றன. படத்தின் பெரும்பான்மைக் காட்சிகளில் இல்லாத சினிமாத்தனம், அன்புக்கு ஆக்ஸிடென்ட் ஆவதில் இருந்து எட்டிப் பார்த்து, 'உள்ளேன் ஐயா' சொல்கிறது.
பெற்றோருக்கும் குழந்தைகளுக்குமான இருவேறு உலகங்களை இணைத்து அத்தனை நல்ல விஷயங்களையும் சொல்கின்றன ஒவ்வொரு காட்சியும் வசனமும். பஞ்ச் பேசி, பறந்து அடித்து, ரிப்பீட் கதைகளால் ரிவிட் அடிக்கும் அத்தனை ஆல் கிளாஸ் மாஸ் ஹீரோக்களுக்கும் அலாரம் அடிக்கிறார்கள் இந்தக் குட்டிப் 'பசங்க'!

சோனி பிரவோ 40" டீவி வாங்கியாச்சு...

2009-05-24T21:52:00.001-07:00

ஞாயிற்றுக்கிழமை கலையில பெஸ்ட் பய்ல சோனி பிராவோ 40'' டிவி உம் Blu ray player உம் சேர்த்து 950$ போட்டு இருந்தாங்க .லன்ச்சை முடிச்சிட்டு நான்,சதீஷ் ,சத்யாவும் பெஸ்ட் பய்க்கு போனோம் .டிவி உம் ,பளு ரே பிளேயரையும் ,பேட்மேன் - டார்க் நைட் புளு ரே டிஸ்க்கும் செலக்ட் பண்ணி பில் போட்டோம். சீனியும் பெஸ்ட் பய்க்கு வந்தார்.

அப்புறம் 10% offer வேற வாங்கி டாக்ஸ் எல்லாம் சேர்த்து 1075$ ஆகிடுச்சி. சீனியோட வேன்ல டிவிய லோட் பண்ணி வீட்டுக்கு கொண்டு வந்தோம். தற்காலிகமா டிவிய கம்ப்யூட்டர் டேபிள்ள செட் பண்ணிட்டு ப்ளுரேல முதல்ல கார்ஸ் படத்த போட்டோம். சான்சே இல்ல படம் அவ்வளவு சூபெர்பா இருந்தது. கொஞ்ச நேரம் பார்த்துட்டு அயங்கரன் டிவிடி ,மத்த இங்கிலீஷ் பட டிவிடி எல்லாம் போட்டு பார்த்தோம் .கடைசியில நானும் 40'' டிவி பேமிலியில ஜாஇன் பண்ணிட்டேன்.

சதீஷ் லிட்டில் ராக் வந்தாச்சு...

2009-05-24T21:50:00.001-07:00

சதீஷ் லிட்டில் ராக்குக்கு கடைசியில இந்த மே லாங் வீக் எண்டுக்கு வர்றதுக்கு டிக்கெட் புக் பண்ணிட்டான். கடந்த 3 வருசமா போட்ட பிளான் இப்பத்தான் வொர்க் அவுட் ஆனது.

வெள்ளிக் கிழமை (மே 22) நைட் மீனாட்சி வீட்டுல டின்னரை முடிச்சுட்டு அயன் படத்தை பார்க்க ஆரம்பிச்சோம். நான் படம் போட்ட கொஞ்ச நேரத்திலேயே தூங்கிட்டேன். சீனி கோபிநாதன் பேமிலி, மீனாட்சி பேமிலி, சத்யா எல்லோரும் முழு படத்தையும் பார்த்து முடிக்க காலை 3:30 மணி ஆயிடுச்சு.

காலை 8:30 மணிக்கு எழுந்து குய்க் ப்றேக்பாச்ட்டை முடிச்சுட்டு சத்யாவும் நானும் வீட்டுக்கு வந்து ரெடியாகிட்டு ஏர்போர்ட்டுக்கு சதீஷை பிக்கப் பண்ண போனோம். நாங்க போறதுக்குள்ள அவனோட ப்ளைட் லேண்ட் ஆகி ,ஏர்போர்ட் விட்டு வெளிய வந்துட்டான்.

சதீசை கடைசியா போன வருஷம் அம்மா வந்தப்ப பார்த்தது. அவனை பிக்கப் பண்ணிட்டு வீட்டுக்கு வந்தோம். சத்யா சிக்கன் குழம்பு ,fish fry பண்ணி கலக்கிட்டாள்.மீனாட்சி ,சீனி பேமிலியையும் சாப்பிட கூப்பிட்டுருந்தோம். லஞ்ச முடிச்சிட்டு சதீஷ் ரெஸ்ட் எடுக்க தூங்க போயிட்டான்.ஈவினிங் மீனாட்சி வீட்டுக்கு போனோம். அங்க ஜாலியா பேசிட்டு இருந்தோம்.

ஞாயிற்றுக்கிழமை கலையில கல்யாண reception போட்டோவை பார்த்தோம். சரியான மழை. எங்கேயும் வெளியில போகல. பெஸ்ட் பய்ல சோனி பிராவோ 40'' டிவி வாங்கிட்டு வந்தோம்.(அத பத்தி அடுத்த ப்ளாக்ல முழுசா பார்க்கலாம் ).

நைட் சுஜாதா மீன் குழம்பு பண்ணி எங்களை சாப்பிட கூப்பிட்டாங்க. டின்னர முடிசிட்டு பேசிட்டு வீட்டுக்கு வர மணி 11:30 ஆனது. திங்கட்கிழமை காலைல எழுந்து டிபனை முடிசிட்டு சதீஷ் ஊருக்கு கிளம்பிட்டான்.

சதீசை எங்கேயும் கூப்பிட்டுட்டு போயி சுத்தி காமிக்கல. லாங் வீகென்ட் புல்லா மழை வந்ததால வீட்டுலையே இருக்க வேண்டியதாயிடுச்சி. தெரியல சதீஷ் எந்த அளவுக்கு என்ஜாய் பண்ணினான்னு. அடுத்த தடவை லிட்டில் ராக்க்குக்கு அவன் வரும் போது எல்லா இடத்தையும் சுத்தி காமிக்கணும்.

நிம்மதியான வாழ்வைக்கொடு...

2009-05-20T17:38:00.000-07:00

என்ன சொல்வது என்றே தெரியவில்லை. எதை நம்புவது என்றும் தெரியவில்லை. கடந்த இரண்டு நாட்களாக நடக்கும் நிகழ்வைப் பற்றி பலவிதமான கருத்துக்கள். ஆம் , நான் தனி ஈழத்திற்க்கு போரடிய பிரபாகரனின் மரணத்தை பற்றி தான் செல்கிறேன்.

அவர் இறந்து விட்டார் என்றும், இல்லை என்றும் பல செய்திகள். இது உண்மையாக இருந்தால் தமிழ் இனத்திற்க்காக போராடிய அவருக்கு வீரவணக்கங்கள். ஒரு நல்ல தமிழனை இனம் இழந்து விட்டது. பிரபாகரன் மரணம் அடையலாம், ஆனால் அவர் தமிழரின் உரிமைக்காக நடத்திய போராட்டம் வரலாற்றில் நிலைத்து நிற்க்கும். கடந்த 30 வருடங்களாக,தங்கள் உரிமைக்காக போராடி தன் இன்னுயிரை நீத்த அனைத்து மக்களுக்கும் எனது கண்ணீர் அஞ்சலி.

நான் இறைவனிடம் வேண்டுவது எல்லாம், இறைவா! என் இன தமிழருக்கு நல்ல எதிர்காலத்தை கொடு.... பட்ட துன்பம் போதும்.... சொந்த நாட்டிலே அகதியாக வாழும் நிலையை மாற்று... அனைவருக்கும் நிம்மதியான, சம உரிமையோடு வாமும் வாழ்வைக்கொடு...

பிரமாண்டமான ரிசப்சன் கொண்டாட்டம் - பாகம் - 5

2009-05-17T17:02:00.001-07:00

பிரமாண்டமான ரிசப்சன் கொண்டாட்டம் - பாகம் - 4

2009-05-17T17:01:00.000-07:00

பிரமாண்டமான ரிசப்சன் கொண்டாட்டம் - பாகம் - 3

2009-05-17T10:19:00.001-07:00

பிரமாண்டமான ரிசப்சன் கொண்டாட்டம் - பாகம் - 2

2009-05-17T10:18:00.002-07:00

பிரமாண்டமான ரிசப்சன் கொண்டாட்டம்.

2009-05-17T10:18:00.001-07:00

ரிசப்சன்... இன்னும் ஒரு நாளில்...

2009-05-15T17:33:00.000-07:00

கடைசி ரெண்டு நாளா, சத்யாவை மேகலா வீட்டுல விட்டுட்டு நான் ஆபீஸ்க்கு போயிட்டு இருக்கேன். எங்களோட ரிசப்சன்னுக்காக சத்யாவுக்கு மேக்கப், டிரஸ் செக்கிங்ன்னு படு பிஸியா போகுது. ரெண்டு நாளா, நான் தூங்குறதுக்கு நைட் 2 மணி ஆயிடுது. முதல்ல ரிசப்சன் வேலைய பின்னாடி வர்ற டீமா பிரிச்சிட்டு நம்ம பிரண்ட்ஸ எல்லாத்தையும் ஓர்க்கை எடுத்துக்க சொல்லிட்டேன். அவங்களும் அவங்க வீட்டு பங்சன் மாதிரி எல்லாரும் முழு ஈடுபாடோட வேலை பார்க்கிறாங்க...

S.No Team
1 Entrance Reception Team
2 Decoration Team
3 Food Team
4 Camera Team
5 Video Team
6 Cultural Team
7 Food Accessories Purchase Team
8 Projector - Digital - Team
9 Cake order and Pickup Team
10 Thanks Team

மற்ற விபரங்கள் அடுத்த பதிவில்....

ரிசப்சனுக்கு ரெடியாகிட்டு இருக்கோம்...

2009-05-12T21:29:00.000-07:00

இது எங்களுக்கு ஒரு பிஸியான வாரம். ஆமாங்க, சத்யாவும், நானும் மும்முரமாக எங்களது திருமண வரவேற்பு நிகழ்ச்சிக்கு தயாராகிக்கொண்டு இருக்கிறோம். போன ஞாயித்து கிழமை உலகா குடும்பத்தாரும், ஆனி, சத்யா, நானும் சேர்ந்து டில்லட்ஸுக்கு போயி சத்யாவுக்கு தேவையான, மேக்கப் செக்கப்பும் பிறகு, கிட்சை வாங்கினோம்.

அப்புறம் நேரா ப்ர்லிங்க்டன், வால்மார்ட், பார்ட்டி சிட்டி கடைக்கு போயி ரிசப்சனுக்கு தேவையான பொருட்களை வாங்கி கொண்டு வீட்டிற்க்கு வர மதியம் 3:30 ஆனது. ரம்யா குடுத்த பிரியாணியை ஆனியும், நாங்களும் சாப்பிட்டோம்.
அதுக்கு அப்புறம் ரிசப்சன் ஈவைட் அனுப்புறதுக்கு தயாராகி, எல்லா இன்பர்மேசனும் ரெடி செஞ்சி ஈவைட் அனுப்ப பகல் 2:30 ஆனது. யாப்பா.. துக்கம் கண்ண கட்டுதே...
அப்புறம் நேத்து (திங்கட்கிழமை) சாப்பாடு விசயமா சுஜாதா, மேகலாகிட்ட பேசினோம். மெனுல என்ன கடையில ஆர்டர் பண்ணனும் முடிவும் பண்ணிணோம்.

இன்னைக்கு மதியம் உலகா, சீனி, நானும் மிக்கீஸில் ரிசப்சனுக்கு தேவையான கேக்கை நீண்ட ஆலோசனைக்கு பிறகு ஆர்டர் செய்தோம். ஒரே பிஸி தான் போங்க... இன்னும் நடுவுல 3 நாளு தான் இருக்கு. நண்பர்கள் உதவியோட நல்ல படியா பங்சன் நடக்கும்ன்னு நம்பிக்கையோட மே 16ம் தேதியை நெருங்கிட்டு இருக்கோம்...

அப்பாவுக்கு சாமி கும்பிட்டோம்...

2009-05-03T20:26:00.001-07:00

அப்பா எங்களை விட்டு பிரிந்து இன்றோடு நான்காம் ஆண்டுகள் ஆகிறது. காலையிலே எழுந்து குளித்து நேரா கிளம்பி ரோட்ணி பரம்ல இருக்கிற குரோகர்க்கு போனேன். அங்கே அப்பா பூஜைக்கு தேவையான பூங்கொத்தை வாங்கிக்கொண்டு வந்தேன். சத்யா அதை மாலையாக கட்டினாள். காலை 10:30 மணிக்கு மேல் அப்பாவின் படத்தை எடுத்து நன்றாக துடைத்து புதிதாக திருநீறு, குங்குமம் இட்டு மாலை போட்டு அப்பாவை வணங்கிணோம். பிறகு சத்யா மதிய உணவு தயார் செய்ய ஆரம்பித்தாள். சாப்பாடு, சாம்பார், ரசம், முட்டைகோஸ் பொரியல், உருளைக்கிழங்கு பொரியல், அப்பளம், பாயாசம் என உணவு தயாரானவுடன், எதிர் வீட்டு சீனி, சுஜாதா குடும்பத்துடன் உணவு உண்டோம். கடந்த வருட பூஜையில் அம்மா எல்லாவற்றையும் முன்னால் இருந்து செய்தார்கள். பூஜை முடிந்த பிறகு அம்மாவுக்கு போன் செய்து பேசினோம்.

கரை(மறை)ந்து போன நீங்கள்...

2009-05-03T08:55:00.000-07:00

"அப்பா" என்ற மூன்றெழுத்து
மந்திரச்சொல்லை சொல்லும் போது
எனக்கு நீங்கள் செய்த
தியாகம் தான் ஞாபகம் வருகிறது.

ஆம், நம் குடும்பம் பிரகாசமாக
இருக்க வேண்டும் என்று
மெழுகுவர்த்தியாய் மாறி,
எங்களின் வாழ்க்கையில் ஒளி
தந்து கரை(மறை)ந்து போனவர் தானே நீங்கள்...

எனக்கு வாழ்க்கையயை
வாழ கற்று கொடுத்து
நான் வளர்ந்து திரும்பி பார்க்கும் போது
நீங்கள் இல்லாமல் இருப்பதை
புரிந்தும் புரியாமல்
வாழும் உங்கள் மகன்....

நான்காம் ஆண்டு கண்ணீர் அஞ்சலி...

2009-05-03T08:53:00.001-07:00

எங்கள் தெய்வம் எங்களை விட்டு பிரிந்து

இன்றோடு நான்கு ஆண்டு ஆகிறது.

அவருக்கு எங்களின் கண்ணீர் அஞ்சலி...
- உங்கள் பிரிவால் வாடும் குடும்பத்தினர்.

சித்திரை திருநாள் மற்றும் ஐடிஎல்சி ஆண்டு விழா கொண்டாட்டம்

2009-04-26T06:42:00.000-07:00

முதல் நிகழ்ச்சி(நிதி நிரட்டும் இசை மாலை)...

2009-04-21T21:54:00.001-07:00

ஹார்மோனி ஹெல்த் கிளின்க்குகாக ஏப்ரல் 18ம் தேதி மாலை "UAMS – Jack Stephens Spine Institute"ல் மாலை 6:30 மணிக்கு நிதி நிரட்டும் இசை மாலை (பாலிவுட் எக்ஸ்டாவென்ஸா) நடைப்பெற்றது. நல்ல ஒரு காரணத்திற்க்கு நடைபெறும் இந்த நிகழ்ச்சியில் நம்ம மீனாட்சியும் கஜினி படத்தில் இருந்து இதில் "ஒரு மாலை இளவெயில் நேரம்... அழகான இலை உதிர் காலம்.." பாடல் பாட விழாக்குழுவில் இருந்து அழைப்பு வந்து இருந்து.

நம் நணபர்கள் அனைவரும் இந்த கலந்து கொள்ளுமாறு அழைப்பு விடுத்தார். நானும், சத்யாவும் இந்த ஒரு நல்ல காரணத்திற்க்கு நடைபெறும் நிகழ்ச்சியை எங்களுடைய முதல் நிகழ்ச்சியாக சேர்ந்து பார்ப்பதில் மகிழ்ச்சியுடன் கலந்து கொண்டோம். அதே போல் நம் நண்பர்கள் அனைவரும் குடும்பத்தோடு கலந்து கொண்டனர்.

இந்த இசை மற்றும் நடன கச்சேரி. அனைத்து இந்திய மாநில நடனம், நாட்டியம், பாடல் இடம் பெற்ற நிகழ்ச்சி மிக அருமையாக இருந்தது. 3 மணி நேரம் போனதே தெரியவில்லை. நன்றி மீனாட்சி இந்த வாய்ப்பை அளித்ததுக்கு.

நிகழ்ச்சியில் எடுக்கப்பட்ட சில புகைப்படங்கள் இங்கே...

முதல் சமையல்...

2009-04-14T17:55:00.001-07:00

இந்தியாவுல இருந்து வந்ததுல இருந்து புல்லா நம்ம பிரண்ட்ஸ் வீட்டுல தான் சாப்பாடு. சரி, இன்னைக்கி தான் தமிழ் வருசப்பிறப்பாசே.. சத்யா சமையல் முதன் முதலா பண்ணிணாள். சாம்பார், பீன்ஸ் பொரியல், பாயசம் என முதல் நாளே கலக்கிவிட்டாள். நான் எதிர்ப்பார்த்ததை விட சமையல் நன்றாக இருந்தது. இதோ முதல் சமையலின் படம் இங்கே...

கல்யாணம் முடிச்சிட்டு லிட்டில் ராக்குக்கு வந்தாச்சு...

2009-04-11T09:12:00.000-07:00

கல்யாணம் முடிச்சிட்டு இந்தியாவுல இருந்து சந்தோசமா நானும் என் மனைவி சத்யாவும் லிட்டில் ராக்குக்கு நேற்றைய முன் தினம் வியாழக்கிழமை(04-09-2009) இரவு 10:00 மணிக்கு டென்வரில் இருந்து வந்து சேர்ந்தோம். எங்களை வரவேற்க்க திரளாக குடும்பத்துடன் வந்த அனைத்து நண்பர்களுக்கும் எங்களது மனமார்ந்த நன்றிகள்...

இனி வரும் அடுத்த பதிவுகளில் என்னுடைய இந்திய பயணம், திருமண விழா, அங்கு நடந்த சுவாரசியமான நிகழ்வுகளை உங்களுடன் பகிர்ந்து கொள்ள போகிறேன்.

முதல் மூன்று நாள் Update...

2009-02-25T10:58:00.000-08:00

லேட் நைட் ஆகிட்டதாலே முக்கியமான விசயத்தை மட்டும் ஆங்கில மொழியில தந்து இருக்கேன்...

Day 1 (02-23-2009):

Friends are started to call me and woke up from the bed. After refresh, called all our friends and informed about my arrival. Deepak called and told me that we will go to shopping, so get ready. Around 11:00 A.M, Inba and Deepak came to my house. To my surprise Karthi is also came from Bangalore. After quick bath and break fast, we all started from my sister home. Inba has booked rental car for full day so our first stop is T.Nagar. For Inba, Went to GRT Thangamaligai – Purchased 9 gm gold coin , Raymonds – Purchased suit , naduvulla suvaiyaana Anjappar sappaadu. Our next stop is Spencer Plaza. Did the 2 ½ hour shopping. Inba is did the major shopping. I have also purchased 4 pants from derby. For refreshment, we had lemon juice. Our next stop is T.Nagar Globus. Maha joined here. I have purchased Shirts and ties. At the end of the shopping, swami is also joined with us. Had night dinner in Saravana Bhavan. First day suuuper shopping busy dayaa pootchi. Puthu mappilaiyaana Inba full swingla shopping panninaru. Namma shopping next day thaan...
Day 2 (02-24-2009):
Slept until 12:15 P.M. Afternoon opened Nitento DS game unit and played with ram shankar. Evening went to Sathish house and gave the invitation. Appa, Amma, Anni and saiyidam peesittu 3 dosai sappittu veetukku vantheen. For todays travel, From my sister house to Palavanthangal railway station went via auto and then From Palavanthangal railway station to Thambaram sanatorium using train and again from there to sathish house auto. Night veetukku vara 10:45 aanathu.
Day 3 (02-254-2009):
After handed over package to jenita amma, Today afternoon, I went to besent nagar Protech office and gave my marriage invitation to friends. Balaji came to Protech office and picked me around 5:00 P.M. From there went to Spencer Plaza. Did 2 hours shopping (Casual and Formal shirts). Athai mudichittu neera adaya metroukku poonom. After office work, Maha is also joined with us. After all the shopping, went to Balaji and maha house and gave the invitation, and had kesari, murukku. Appuram night dinnerkku besent nagarla Vishranth restaruntkku poonoom. Dinner was good da. Inoroodu Maximum (before marriage) shopping is over. Night veetukku vara 11:35 aanathu.

Update தொடரும்...

கல்யாணத்துக்கு இந்தியா வந்தாச்சு...

2009-02-23T09:40:00.000-08:00

இதுனால சகலமானவங்களுக்கும் தெரிவிக்கிறது என்னன்ன ராஜ்குமார் அவரோட கல்யாணத்துக்காக இன்னைக்கு காலை 2 மணிக்கு இந்தியா வந்தாரு. அவரு கூட அவரு பிரண்டு சுவாமியும் கல்யாணதுல கலாந்துக்கிறதுக்கு வந்து இருக்காங்க. இன்னும் ஒரு வாரத்துக்கு சென்னைல பிரண்ட்ஸ் கூட சேர்ந்தது ஷாப்பிங் பண்ணுவார்.

நகைச்சுவைத் திலகம் நாகேஷ் மரணம்

2009-01-31T12:41:00.000-08:00

1000 படங்களில் நடித்த பழம் பெரும் நகைச்சுவை நடிகர் நாகேஷ் இன்று காலமானார். அவருக்கு வயது 75.

நகைச்சுவையிலும் குணச்சித்திர நடிப்பிலும் பலப்பல சாதனைகள் படைத்த நடிகர் நாகேஷ் இன்று மரணம் அடைந்தார். 1000 திரைப்படங்களுக்கும் மேல் நடித்த பெருமைக்குரிய மகா கலைஞன் நாகேஷ்.

சில நாட்களாகவே அவருக்கு உடல் நலக் கோளாறு இருந்து வந்தது. இருமாதங்களுக்கு முன் அவருக்கு கடும் நெஞ்சுவலி ஏற்பட்டது. பின்னர் தீவிர சிகிச்சைக்குப் பிறகு குணமடைந்து வீட்டில் ஓய்வெடுத்து வந்தார். இன்று காலை உணவு சாப்பிட்டுக் கொண்டிருந்தபோது அவருக்கு திடீர் மாரடைப்பு ஏற்பட்டது. மருத்துவமனைக்கு கொண்டு சென்றும் சிகிச்சை பலனின்றி இறந்தார்.

நாகேஷின் இயற்பெயர் குண்டுராவ். கன்னட பிராமண குடும்பத்தில் 1933-செப்டம்பர் 27-ம் தேதி பிறந்தவர். நடித்த முதல் திரைப்படம் எதிர்நீச்சல். அதன்பிறகு அவர் நடித்த பல படங்கள் சிகரம் தொட்டன.

நடிப்பு வாழ்க்கை:

வாழ்க்கையில் வெற்றி பெற வேண்டும் என்ற வெறியுடன், சாதிக்காமல் வீடு திரும்ப மாட்டேன் என்று கூறி சென்னைக்கு வந்த நாகேஷ் துவக்க காலத்தில் பல்வேறு கஷ்டங்களை அனுபவித்துள்ளார்.

சென்னையில் மேற்கு மாம்பலத்தில் ஒரே அறையில் வாலி மற்றும் நடிகர் ஸ்ரீகாந்த் ஆகியோருடன் தங்கியிருந்தார்.சிறிது காலம் ரெயில்வேயில் பணியாற்றினார். ஆனால் அவருக்கு அதில் திருப்தி ஏற்படவில்லை.

ரெயில்வேயில் பணியாற்றிய போது அங்கு நடைபெற்ற ஒரு நாடகத்தில் வயிறு வலியால் துடிக்கும் நோயாளியாக நடித்தார். அவரது நடிப்பை சிறப்பு விருந்தினராகக் கலந்து கொண்ட எம்ஜிஆர் வெகுவாக பாராட்டினார்.

அதன் பின்னர் சின்ன சின்ன வேடங்களில் நாடகங்களில் நடித்து வந்தார். பின்னர் தயாரிப்பாளர் பாலாஜி உதவியுடன் அவர் சினிமாவில் நடிக்க வந்தார்.

நீங்காத இடம் பெற்ற தருமி ...

ஆயிரத்திற்கும் மேற்பட்ட வேடங்களில் அவர் நடித்துள்ள போதிலும் இன்றும் திருவிளையாடல் படத்தில் அவர் நடித்த தருமி வேடம் எல்லோர் மனத்திலும் நீங்காத இடம்பெற்றது.பிழைப்புக்காக அவர் ஓட்டல் ஒன்றில் சர்வராகவும் வேலை செய்துள்ளார் (பின்னாளில் இதுவே சர்வர் சுந்தரமானது).

எம்ஜிஆருடன்...

புரட்சித் தலைவர் எம்ஜிஆரின் அன்புக்குப் பாத்திரமாகி, அவரது பெரும்பாலான படங்களில் நடித்தவர் நாகேஷ்.

குறிப்பாக வேட்டைக்காரன், எங்க வீட்டுப் பிள்ளை, அன்பே வா, ஆயிரத்தில் ஒருவன் என அவர் எம்ஜிஆருடன் நடித்த படங்களின் பட்டியல் மிகப் பெரியது. இடையில் சில காலம் இருவருக்கும் ஒரு பிரிவு வந்தாலும், மீண்டும் நாகேஷை அரவணைத்துக் கொண்டார் எம்ஜிஆர். உலகம் சுற்றும் வாலிபன் படத்தில் நாகேஷுக்காகவே ஒரு பாத்திரத்தை உருவாக்கினார் அப்படத்தின் இயக்குநரான எம்ஜிஆர்.

குடிப் பழக்கத்துக்கு அடிமையாகி மிகவும் உடல் பாதித்த நிலையில் அவர் அதிலிருந்து மீண்டு வர உதவியவர் எம்ஜிஆர்.'

அடுத்த ஏழு ஜென்மத்துக்கும் சேர்த்து இப்பவே குடிச்சேன். அதனால நான் பிழைப்பேனான்னே தெரியாத நிலை. ஆனால் மருத்துவர்களும் அண்ணன் எம்ஜிஆரும் எனக்கு புதுப்பிறவி கொடுத்துட்டாங்க' என்று ஒரு முறை கூறியிருந்தார் நாகேஷ்.

திரையுலகில் தாம் சம்பாதித்த செல்வத்தை ரியல் எஸ்டேட் துறையில் முதலீடு செய்தார். ஆனால் பின்னர் பெரும் நஷ்டத்தை அவர் சந்திக்க நேர்ந்தது. தி.நகர் பாண்டிபசாரில் அவரது நாகேஷ் தியேட்டர் பிரச்சனையில் சிக்கிய போது பகையை மறந்து எம்ஜிஆர் அவருக்கு உதவி செய்தார்.

கேபி... ஸ்ரீதர் பட்டறையில்...

எம்ஜிஆர், சிவாஜி (திருவிளையாடல், தில்லானா மோகனாம்பாள் விதிவிலக்கு!) படங்களில் காமெடியனாக நடித்துப் புகழ்பெற்றாலும், நடிகர் நாகேஷ் பட்டை தீட்டப்பட்ட வைரமாக ஜெலித்தது கே. பாலச்சந்தர் மற்றும் ஸ்ரீதர் ஆகியோரது படைப்புகளில்தான்.

எதிர்நீச்சல் படத்தையும், நீர்க்குமிழி படத்தையும் நடிக்க வரும் கலைஞர்களுக்கு ஒரு பாடமாக வைக்கலாம். சர்வர் சுந்தரம் படத்தில் ஒரு நடிகனின் வாழ்க்கையை நாகேஷ் பிரதிபலித்த அளவுக்கு வேறு யாராவது செய்திருப்பார்களா என்பது சந்தேகமே. அந்த அளவு பிரமாதமாக நடித்திருப்பார் நாகேஷ்.

காதலிக்க நேரமில்லை படம், நாகேஷ் நகைச்சுவையில் ஒரு மைல்கல். ஒரு சாதாரண காட்சியை, வெறும் பாவனைகளில், உச்சரிப்பின் மூலம் த்ரில்லர் காட்சியாக எப்படிக் காட்டுவது என திரைப்பட இயக்குநர்களுக்கே பாடம் நடத்தியிருப்பார் நாகேஷ் (ஸ்ரீதரின் கைவண்ணம்!).

ரஜினி-கமல் யுகத்திலும்...

ரஜினி - கமல் யுகத்திலும் கலக்கியவர் நாகேஷ்.ரஜினியின் ஆரம்பகாலப் படங்களில் மிகச் சிறந்த நகைச்சுவைப் படமான தில்லுமுல்லுவில், நடிகர் நாகேஷாகவே வந்து அசத்தியிருப்பார்.

பின்னர் படிக்காதவன் படத்தில் ரஜினியின் வளர்ப்புத் தந்தையாக நடித்து நெகிழ்ச்சி தந்தார்.ஆனால் கலைஞானி கமலுடன் அவருக்கு ஒரு ஸ்பெஷல் நெருக்கம் இருந்தது, கடைசி வரை.

கமல் ஹாசனின் பிற்காலப் படங்கள் அனைத்திலுமே நாகேஷுக்கு மறக்க முடியாத பாத்திரங்கள். அபூர்வ சகோதரர்கள் மூலம் ஒரு விதத்தில் நாகேஷின் பைனல் இன்னிங்ஸை ஆரம்பித்து வைத்தவரே கமல்தான் என்றாலும் மிகையில்லை.

மைக்கேல் மதனகாமராஜன், நம்மவர் என அந்தப் பட்டியல் தசாவதாரம் வரை தொடர்ந்தது. குறிப்பாக மகளிர் மட்டும் படத்தில் பிணமாக அவர் 'நடித்த' ஒரு காட்சியைப் பார்த்து ஹாலிவுட் நடிகர்களே வியந்துபோனதாக கமல்ஹாசன் குறிப்பிட்டிருந்தார்.

நம்மவர் படத்தில் சிறப்பாக நடித்ததற்காக தேசிய அளவில் சிறந்த துணை நடிகருக்கா விருது நாகேஷுக்குக் கிடைத்தது.

சொந்த சோகங்கள்...

திரையில் அனைவரையும் வயிறு குலுங்க சிரிக்க வைத்தாலும், நாகேஷின் சொந்த வாழ்க்கை தனிமையில் சேகமாகவே கழிந்தது.

வேறு மதத்தைச் சேர்ந்த பெண்ணைத் திருமணம் செய்து கொண்டதால் அவர் வீட்டில் இருந்து ஒதுக்கி வைக்கப்பட்டார்.

புதிதாக வெளிநாட்டுக் கார் ஒன்றை வாங்கிக் கொண்டு தன் தாயை சந்திக்க அவர் ஆசையுடன் சென்றார். ஆனால் அவரால் தாயை சந்திக்க முடியவில்லை. அவர் சென்ற போது அவரது தாயின் இறுதிச் சடங்கு நடைபெற்றுக் கொண்டிருந்தது.

பிரச்சனைகளுக்கு மேல் பிரச்சனைகளை சந்தித்த நாகேஷ், மகனை பெரிய நடிகனாக்கிப் பார்க்க வேண்டும் என விரும்பினார். இதற்காக மகன் ஆனந்தபாபுவை வைத்து பார்த்த ஞாபகம் இல்லையோ என்ற படத்தை தயாரித்து இயக்கினார். ஆனால் தான் சேர்த்த பணத்தையெல்லாம் இழக்கும் படமாக அது அமைந்துவிட்டது.

பின்னர் சில படங்கள் நன்றாக ஓடின. ஆனால் அந்த வெற்றிகளை ஆனந்தபாபு சரியாகப் பயன்படுத்திக் கொள்ளாமல், போதைக்கு அடிமையாகி பாதை மாறிப்போனது நாகேஷுன் இதய நோயை இன்னும் தீவிரப்படுத்திவிட்டது. நாகேஷ் நீண்ட நாட்களாகவே சர்க்கரை வியாதி மற்றும் இதயக் கோளாறுகளால் அவதிப்பட்டு வந்தார். அவருக்கு மூன்று மகன்கள். ஆனந்தபாபு மட்டுமே திரையுலகுக்கு வந்தார். மற்றவர்கள் வேறு தொழில்கள் செய்து வருகின்றனர்.

நாகேஷின் மறைவு தமிழ் திரையுலகுக்கு மிகப் பெரிய இழப்பு என்பதில் சந்தேகம் இல்லை.

பொங்கல் விழா - II

2009-01-18T07:04:00.001-08:00

பொங்கல் விழா - II

பொங்கல் விழா - I

2009-01-18T07:03:00.001-08:00

பொங்கல் விழா - I

தைத்திருநாள் நல்வாழ்த்துக்கள்

2009-01-14T17:03:00.000-08:00

உலக தமிழர்கள் அனைவருக்கும் தைத்திருநாள் நல்வாழ்த்துக்கள் மத வேறுபாடுகள் மறைந்து, சாதி வேறுபாடுகள் ஒழிந்து அனைவரும் மகிழ்ச்சியாய் வாழ இந்த தையில் வழி பிறக்கட்டும்.

பொங்கலைப்பற்றி குறிப்பு: நன்றி தட்ஸ் தமிழ்

தை பொறந்தால் வழி பிறக்கும் என்பார்கள். தமிழ் மாதங்களில் தனிச் சிறப்பு வாய்ந்த மாதங்களில் முக்கியமானது தை.

தை மாதத்தின் பிறப்பை அறுவடைத் திருநாளாக, பொங்கல் தினமாக உலகத் தமிழினம் கொண்டாடி வருகிறது. தமிழ்ப் புத்தாண்டின் முதல் நாளாகாவும் இந்த நாள் ஆரம்பத்தில் கொண்டாடப்பட்டது. இடையில் சித்திரைக்கு மாறிப் போனது. இப்போது மீண்டும் தை முதல் நாளை புத்தாண்டின் முதல் நாளாக தமிழக அரசு அறிவித்துள்ளது. அந்த வகையில், இந்த ஆண்டு தை முதல் நாள் தமிழ்ப் புத்தாண்டு தினமாகவும் கொண்டாடப்படுகிறது.

தமிழர் திருநாள்...

தைப் பொங்கல், அறுவடைத் திருநாள் என கூறப்படும் பொங்கல் பண்டிகை, தமிழர் பண்டிகை ஆகும். பொங்கல் என்பதற்கு சாப்பிடும் பொங்கல் என்று பொருள் அல்ல. பொங்கிப் பெருகி வருவது என்று பொருள்.

தமிழர்கள் இருக்குமிடமெல்லாம் பொங்கல் விசேஷமாக கொண்டாடப்படுகிறது. தமிழர்களின் தாயகமான தமிழ்நாட்டில் வெகு விமரிசையாக கொண்டாடப்படும் பொங்கல் பண்டிகை, மலேசியா, கனடா, சிங்கப்பூர், இலங்கை, மொரீஷியஸ் உள்ளிட்ட அனைத்து உலக நாடுகளிலும் கூட விமரிசையாக கொண்டாடப்படுவது வழக்கம்.

மலேசியா,இலங்கை உள்ளிட்ட சில நாடுகளில் பொங்கல் பண்டிகையன்று அரசு விடுமுறையும் கூட விடுகிறார்கள்.

தோற்றம்...

பொங்கல் பண்டிகையின் தோற்றம் எப்போது என்று உறுதியாகத் தெரியவில்லை. 1000 ஆண்டுகளுக்கு முன்பு வந்தது இந்த பண்டிகை ஒன்று ஒரு கூற்று உள்ளது. 2000 ஆண்டுகளுக்கு முன்பிருந்தே இது கொண்டாடப்படுகிறது என்று இன்னொரு கூற்றும் உள்ளது.
சோழர் காலத்தில் பொங்கல் பண்டிகைக்கு புதியீடு என்று பெயர் இருந்தது. அதாவது, ஆண்டின் முதல் அறுவடை என்று அதற்குப் பொருள். உழவர்கள் தை மாதத்தின் முதல் நாளில், அந்த ஆண்டின் முதல் அறுவடையை மேற்கொள்வது வழக்கமாக இருந்தது. இதுதான் பின்னர் பொங்கல் பண்டிகையாக மாறியது என்கிறார்கள்.

3 நாள் விழா...

பொங்கல் பண்டிகை மொத்தம் 3 நாட்களுக்கு கொண்டாடப்படுகிறது. முதல் நாள் போகி பண்டிகை. அடுத்த நாள் பொங்கலிடும் நாள். 3வது நாள் மாட்டுப் பொங்கல். நமக்கு காலமெல்லாம் கை கொடுத்து உதவும் மழை, சூரியன், விவசாயத்திற்குப் பயன்படும் கால்நடைகள் ஆகியவற்றுக்கு நன்றி கூறும் நல் வாய்ப்பாக இந்த திருநாள் கொண்டாடப்படுகிறது.

போகி...

பொங்கல் திருநாளின் முதல் நிகழ்வான போகி பண்டிகையன்று, அதிகாலையில், அனைவரும் எழுந்து குளித்து, வீட்டில் உள்ள தேவையற்ற, பழையை பொருட்களை வீட்டின் முன்பு வைத்து தீயிட்டு கொளுத்துவார்கள். அல்லவை அழிந்து நல்லவை வரட்டும். பழையன கழிதலும், புதியன புகுதலும் என்ற மொழிக்கேற்ப போகி பண்டிகை கொண்டாடப்படுகிறது.

வீட்டுப் பொங்கல்...

2வது நாளான பொங்கல், விசேஷமானது. தை மாதப் பிறப்பு நாள் இது. சர்க்கரைப் பொங்கல் என்று இந்த பண்டிகைக்குப் பெயர். புதுப்பானை எடுத்து, மஞ்சள் உள்ளிட்டவற்றை பானையைச் சுற்றிக் கட்டி, புதுப் பாலில், புது அரிசியிட்டு, வெல்லம் உள்ளிட்டவற்றைக் கலந்து பொங்கலிடுவார்கள்.

வீட்டுக்கு வெளியே சூரியன் இருக்கும் திசையை நோக்கி இந்த பொங்கலிடும் நிகழ்ச்சி நடைபெறும். அரிசி நன்கு சமைந்து, பொங்கி வரும்போது குலவையிட்டும், பொங்கலோ பொங்கல், பொங்கும் மங்கலம் எங்கும் தங்குக என்ற குரலோடு பொங்கல் பானையை இறக்க வேண்டும்.

நன்கு பொங்கி வந்தால் அந்த ஆண்டு முழுவதும் நல்ல வளமும், நலமும் நிலவும் என்பது ஐதீகம்.

மாட்டுப் பொங்கல்...

3வது நாள் விழா மாட்டுப் பொங்கல். கிராமங்கள் தோறும் மாட்டுப் பொங்கள் விமரிசையாக கொண்டாடப்படும். வீடுகள் புதுப் பூச்சு காணும். மாடுகள், பசுக்களின் கொம்புகளுக்கு புது வர்ணம் பூச்சி, நன்கு குளிப்பாட்டி, அவற்றை அலங்காரம் செய்து, மாட்டுப் பொங்கல் தினத்தின்போது படையலிட்டு வழிபாடு செய்வார்கள். பின்னர் மாடுகளுக்கு பொங்கலும் அளிக்கப்படும்.

ஆண்டெல்லாம் நமக்காக உழைக்கும் மாடுகளுக்கு நன்றி கூறும் தினமாக இது கொண்டாடப்படுகிறது.

இன்றைய தினத்தின்போது மாடுகளுக்கு ஒரு வேலையும் தர மாட்டார்கள். கழுத்தில் புது மணி கட்டி, கொம்புகளை சீவி விட்டு சுதந்திரமாக திரிய விடுவார்கள்.

இந்த இடத்தில்தான் ஜல்லிக்கட்டு தோன்றியிருக்கிறது. மாட்டுப் பொங்கலின்போது கிராமங்கள் தோறும் ஜல்லிக்கட்டு நிகழ்ச்சிகள் நடைபெறுவது வழக்கம்.

காணும் பொங்கல்....

இப்படியாக பொங்கல் பண்டிகை சிறப்பாக கொண்டாடப்படுகிறது. இதுதவிர நான்காவது நாள் காணும் பொங்கலாக வட மாவட்டங்களில் கொண்டாடப்படுகிறது. அதாவது உற்றார், உறவினர், நண்பர்களைக் கண்டு வாழ்த்துக்களையும் இனிப்புகளையும் பரிமாறிக் கொள்ளும் நாளாக இது கொண்டாடப்படுகிறது.

சுற்றுலாத் தலங்களுக்கும், பொழுதுபோக்குமிடங்களுக்கும் இந்த நாளில் போவது வழக்கம்.
கன்னியாகுமரி மாவட்டத்தில் கனி காணும் நாளாக இது கொண்டாடப்படுகிறது.

கரும்பு-ஜல்லிக்கட்டு-பொங்கல்..

பொங்கல் பண்டிகையின் மூன்று முக்கிய அம்சங்கள், கரும்பு, ஜல்லிக்கட்டு, இனிப்புப் பொங்கல்தான். இவை இல்லாமல் பொங்கல் நிறைவடையாது. கரும்புகளுக்கு பொங்கல் பண்டிகையின்போதுதான் செம கிராக்கி. இன்று முழுவதும் கரும்பு
சாப்பிடுபவர்களும் இருக்கிறார்கள்.

அதேபோல பொங்கல் பண்டிகையின்போது கிராமங்களில் நடைபெறும் ஜல்லிக்கட்டு நிகழ்ச்சிகளும் விசேஷமானவை. அலங்காநல்லூர், பாலமேடு, காஞ்சரம்பேட்டை ஆகியவை ஜல்லிக்கட்டுக்கு பெயர் போனவை. இதில் அலங்காநல்லூர் உலகப் புகழ் பெற்ற ஜல்லிக்கட்டு களமாகும்.

தமிழர்களின் திருநாளாக, உழவர் திருநாளாக கொண்டாடப்படும் பொங்கல் பண்டிகையை, தமிழக அரசு தமிழ்ப் புத்தாண்டு தினமாகவும் அறிவித்துள்ளதால், தமிழர்கள் அனைவரும் இந்த இனிய நாளை, இரட்டிப்பு சந்தோஷத்துடன், தித்திப்புடன் கொண்டாட வாழ்த்துவோம்.

அதேசமயம், பல்வேறு பகுதிகளில் தமிழர்கள் பட்டு வரும் பல்வேறு அவதிகள் ஒழிந்து, வரும் ஆண்டில் எல்லா வளமும், நலமும் பெற்று அமைதியுடன் வாழவும் சூரியக் கடவுளைப் பிரார்த்திப்போம்.

Happy New Year 2009

2009-01-01T09:12:00.000-08:00

புது வருடம்: - படித்ததில் பிடித்தது...

வாழ்துக்களுடன் தொடங்கி,
இரங்கலுடன் முடியும்
உன் வாழ்க்கை உன்னதமானது.

உன்னை வரவேற்கத்தான்
எத்துணை ஆரவாரம்,
மகிழ்ச்சிகள்,வாழ்த்துக்கள், கேளிக்கைகள்.

பிரம்மன் உனக்குஅளித்த
ஆயுட்காலம் 12 மாதங்கள்,
உலகத்தில் உன் வாழ்நாளை
முழுமை வாழ்வது நீ மட்டும் தான்.

நீ பிறக்கும்போதே, உனக்கான
கடைசி நாளும் எழுதப்பட்டுவிடுகிறது,
நீ என்ன எமனுக்கு அப்பாற்பட்டவனோ?

12 மாதங்களில் பல பருவ நிலைகளை
தரும் உன்னை ரசிக்காமல் என்ன செய்வது?

காலத்தேவனின் செல்லக்குழந்தை நீ,
யாருக்கும் காத்திறாமல்
காற்றோடு கரைந்து விடுகிறாய்.

உன்னை வைத்துத்தான் எங்களின் பிறந்தநாளும்
இறந்தநாளும் நினைவு கொள்ளப்படுகிறது,
எனவே, உன் ஒவ்வொரு நொடியும்
சுவாசிக்கபட வேண்டிய சொர்கம்.

எங்களோடு ஒன்றாக கலந்து விட்ட
உன்னை வரவேற்கிறோம்,
புத்தாண்டே வருக, வளங்கள் பல புரிக...

கிருஸ்மஸ் தின வாழ்த்துக்கள்

2008-12-25T10:25:00.001-08:00

May the warmest smiles, the sweetest dreams, and the happiest heart be yours at Christmas and always. Merry Christmas.

உலக மக்கள் அனைவருக்கும் எனது மனமார்ந்த கிருஸ்மஸ் தின நல்வாழ்த்துக்கள்.

HO HO HO! MERRY CHRISTMAS! - Celebration 3

2008-12-21T08:41:00.001-08:00

Hey, who pulled my beard?
Santa and Ulaga:

Govind, Ramana and Mano are having good time with santa:

Santa with meenachi family:

Meenachi, Ritha,Ulaga, Govind, Srini, Santa, Mano, Ramana, Arul and Shreya

I have removed my beard and posing with Nishanth

Swami and Me With Params' family:

After the function - Swami, me, Patric family and Srini family took pic - We started to home @ 2 A.M

HO HO HO! MERRY CHRISTMAS! - Celebration 2

2008-12-21T00:30:00.001-08:00

Big Elf and Santa:
Santa is started to distribute candies to Kids

Santa is giving gift to Ritha

Having good time with Santa

Chirstmas Cake

Decoration is worth to mention

Santa, I know you...

Big kids are also joined with santa

தொடரும்...

HO HO HO! MERRY CHRISTMAS! - Celebration 1

2008-12-21T00:28:00.000-08:00

Last Saturday (12/20/2008) Patric and Geetha have organized Christmas function at their house. Around 60 of our friends were invited. To give surprise to all the kids, Geetha asked me wear Santa Claus costume. With the help of swami, I became Santa Claus. Around 8:30 P.M, Swami, Srini, Nirmal and Santa (Me) entered Patric’s house with “HO HO HO, Merry Christmas” wishing. All are happy to have Santa with them and I started to distribute the sweets to kids and our friends. Kids are started to ask so many questions to Santa that “How did you come here?” “Where is your reindeer”, “Where are you from?”, “Why you are not coming for all the Christmas” and so on… all the kids are eager to take pictures with Santa too. it was wonderful evening and everybody had very good time.

A simple wish for joy, a heartfelt wish for love, a lasting wish for peace — a special wish for you. Merry Christmas.

Messenger from God:

Patric house Chirstmas decoration - Patric and Geetha has spent nearly one week to prepare this decoration:
Kids are holding candles and flowers:

In the meantime, santa claus is getting ready in north pole (Apt #266):

With the help of Big Elf Swami:

3's - (Srini,Santa,Swami):

Niraml and his wife came to Chirstmas celebration from Convey:

Ho Ho Ho... Merry Chirstmas...

தொடரும்...

மகிழ்ச்சி(இசை)யான வாரம்

2008-12-14T22:16:00.000-08:00

ரெம்ப நாளாவே டாலஸ்ல இருக்குற நம்ம சாமியும், அஜய்யும் அவங்க வீட்டுக்கு கூப்பிட்டுகிட்டே இருந்தாங்க. நானும், சுவாமியும் ஆபீஸ்ல பிசியா இருந்தல(அட.. நெசமாதாங்க) போகவே முடியல.

சரி, இந்த வாரம் போகலாம்ன்னு அலமோல அல்டிமா ரென்டல் காரை புக் பண்ணினோம். வெள்ளிக்கிழமை மதியம் 3 மணிக்கு ஆபீஸ்ல இருந்து "வாங்கடா வாங்க என் வண்டிக்கு பின்னாலன்னு" நம்ம தலைவர் பாட்டை பாடிகிட்டே(மனசுகுள்ள தாங்க) ஐ30வெஸ்ட்ல காரை ஓட்ட ஆரம்பிச்சேன். 5 1/2 மணி நேர டிரைவுல சில பல சாகசங்களை(?) சந்திச்சி சாமி வீட்டுக்கு போகவே 9:30 மணி ஆயிடுச்சி.

சுவாமி முதல் முறையா இப்பத்தான் சாமி குடும்பத்தை பார்க்கிறான். ரெப்ரஸ் பண்ணிட்டு, சாமியோட வொய்ப் ஹரிணி எங்களுக்காக அடை, மோர் குழம்பும் செஞ்சி இருந்தாங்க. நல்ல ரசிச்சி சாப்பிட்டுட்டு நைட் 1:30 மணி வரைக்கும் உள்ளுர் நடப்புகளை பேசிக்கிட்டு இருந்தோம்.
சனி கிழமை காலையில 9:30 மணிக்கு எழுந்து,குளிச்சிட்டு (கூல் ஆனாலும் குளித்து குடின்னு பெரியவங்க சொன்ன மாதிரி...), சுவாமியும், நானும், சுட சுட இட்லி சாப்பிட்டோம். சாமியோட பையன் சாய் சங்கிரீஷ்க்கூட விளையாடிக்கிட்டு இருந்தோம். அப்ப தான் ஹரிணி நல்ல பாடுவாங்கலேன்னு ஞாபகம் வந்துச்சி. அவங்களை பாடச் சொன்னோம். என்ன பாட்டு வேணும்ன்னு கேட்டு, மதிய சமையல் வேலையை பார்த்துகிட்டே கர்னாடிக், சினிமா பாட்டுன்னு பாடி கலக்கிடாங்க. சும்மா சொல்லக்கூடாது, 2 மணி நேரம் போனதே எங்களுக்கு தெரியல. என்ன ஒரு குரல் வளம்.
சாமி பிரண்ட் கிருஷ்ண பேமிலியையும் சாப்பிட கூப்பிடிருந்தான். ஹரிணி பாட்டுல மட்டுமில்ல சமையல்லையும் வெளுத்து கட்டிட்டாங்க. புது மாபிள்ளைன்னு சொல்லி ஒரே கவனிப்பு. அருமையான அய்யராத்து சாப்பாடு. எல்லாம் சாப்பிட்டுட்டு காரட் ஜூஸ் குடுக்கும் போது "ம்மா, முடியல" இது தான் நாங்க ஹரிணி கிட்ட சொன்னது.
உண்ட மயக்கம் தொண்டனுக்கும் உண்டு இல்லையா, நம்ம தொண்டன் சுவாமி போன்ல மெசேஜ் செக் பண்ணுற மாதிரி ரூமுக்கு போனவன் ரெம்ப நேரமவே ஆளை காணோம். என்னடான்னு கெஸ்ட் ரூம் கதவை திறந்து பாத்தா நல்ல முக்காடு போட்டு துங்கிட்டு இருந்தான்.

கொஞ்ச நேரத்துக்கு அப்புறம் சாமியோட இன்னொரு பிரண்ட் பாலாஜி வீட்டுக்கு போனோம். அவங்க வீட்டுல கொஞ்ச நேரம் டேபில் டென்னிஸ் ஆடினோம். என்னடா, சின்ன புள்ளத்தானமா இருக்குன்னு நீங்க சொல்லுறது எங்களுக்கு கேட்குது. சும்மா ஒரு விளம்பரம் தாங்க. அப்புறம் சில பல பஜ்ஜிகளை சாப்பிட்டுட்டு கிருஷ்ணா வீட்டுக்கு போனோம்.
கிருஷ்ணா 2005ல லிட்டில் ராக் வந்தப்ப, நம்ம சுவாமி சமைச்ச மீன் குழம்பு புடிச்சி போச்சி. சுவாமி இன்னைக்கு நைட் மீன் குழம்பு சமைச்சே ஆகணும் சொன்னாரு. நம்ம சுவாமி தான் அன்புக்கு கட்டுப்பட்டவன் ஆச்சே. அவனோட திறமையை டாலஸ்ல காமிச்சான். மீன் குழம்பு, சிக்கன் குழம்பை முடிச்சிட்டு கருப்பு போர்வீரன் - வவ்வால் மனுசன் திரும்ப வர்றான் (அதாங்க The Dark Knight - Batman returns) படத்தை பாக்கலாம்ன்னு சப்டைட்லை போட்டா வரமாட்டேங்குது. கடைசியில சப்டைட்டில் இல்லாமலேயே பார்த்தோம். ஒரே காமெடி தான் போங்க. நான் படத்தை பத்தி சொல்லலங்க. ஏன்னா படம் முடிஞ்சதுக்கு அப்புறம் ஒவ்வொருத்தங்களும் ஒவ்வொரு கதையை சொன்னங்க. சாமி வீட்டுக்கு வந்துட்டு தூங்குறதுக்கு நைட் 2:30 ஆயிடுச்சி.

எங்க வயித்துக்கு மட்டும் வாயி இருந்தா நல்ல எங்களை திட்டி இருக்கும். அந்த அளவுக்கு நேத்து நைட்டுல இருந்து சாப்பிட்டுட்டு இருக்கோம். ஹரிணிகிட்ட காலையில பிரேக் பாஸ்ட்க்கு எதுவும் பண்ணாதீங்கன்னு சொல்லிட்டோம்.

காலையில ஒரு மப்பின், ஒரு கப் பூஸ்ட் சாப்பிட்டுட்டு சாமி, ஹரிணி, சாய், சுவாமி, நானும் அஜய் வீட்டுக்கு கிளம்பினோம். சாமி வீட்டுல இருந்து 45 மினிட்ஸ் டிரைவுல பிரிஸ்கோல அஜய் வீட்டுக்கு வந்து சேர்ந்தோம்.

மாயாவோட அப்பா, அம்மா, தங்கை எல்லோரும் இந்தியாவுல இருந்து வந்து இருந்தாங்க. அறிமுகத்துக்கு அப்புறம், எல்லோரும் அஜய்யோட புது வீட்டை சுத்தி பார்த்தோம். மாயாவோட தங்கை ஒரு புரொபசனலா புல்லாங்குழல் வாசிப்பாங்கன்னு கேள்விப்பட்டு இருக்கோம். மாயாவும் நல்ல வயலின் வாசிப்பாங்க. ஹரிணியும் ஒரு சிறந்த பாடகி. எல்லாரும் சேர்ந்து ஒரு அருமையான இசை கச்சேரியே நடத்திட்டாங்க. புல்லாங்குழல்ல பாட்டு, கர்னாடிக் பாட்டு, பாரதியார் பாட்டுன்னு எல்லோரும் சேர்ந்து பாடி அமர்களப்படுத்திடாங்க. மாயாவும், அவங்க தங்கையும் சேர்ந்து அவங்க குருவோட பாட்டை பாடினாங்க. மாயாவோட அம்மாவும் ஒரு பாட்டு பாடினாங்க. நாங்க இந்த அருமையான தருணத்தை ஒவ்வொரு நிமிசத்தையும் ரசிச்சி அனுபவிச்சோம்.
1 1/2 மணி நேர கச்சேரிக்கு பிறகு, அருமையான கேரளா சாப்பாடு. இந்த தடவை வயிரே திட்டினாலும் பரவாயில்லைன்னு போட்டு தாக்கிட்டோம். எல்லாம் நம்ம மாயாவோட அம்மா சமையல். அப்புறம் ஒரு குயிக் போட்டோ செஸன். அஜய் குடும்பத்தில எல்லாருக்கும் பை சொல்லிட்டு சாமி வீட்டுக்கு வந்து 10 நிமிசம் பேசிட்டு சாமி, ஹரிணி, சாய்க்கு பை சொல்லிட்டு, அருணை பார்க்க ஒரு சின்ன விசிட்.

மணி 6:20 ஆச்சி. வண்டியை லிட்டில் ராக்கை பாத்து ஓட்ட ஆரம்பிச்சேன். வண்டி ஓட்டும் போது தூங்க கூடாதுன்னு சுவாமி எப்.எம் ரேடியோல வர்ற மாதிரி பாட்டை போட்டு பேசிக்கிட்டே வந்தான். டெக்ஸார்கனா வந்ததே தெரியால. அதுக்கு அப்புறம் அவன் வண்டியை ஓட்ட ஆரம்பிச்சான். பிரண்ட்ஸ் எல்லாத்துக்கும் போன் பண்ணி நாங்க ரிட்டன் வந்துகிட்டு இருகோம்ன்னு சொல்லிகிட்டே வீட்டுக்கு வர 11:30 ஆனது.

மாயாவோட தங்கை ப்ரியாவின் புல்லாங்குழல் கச்சேரி:

மேலும் பார்க்க:

http://www.youtube.com/watch?v=5zSMwM71OFI
http://www.youtube.com/watch?v=uJgapPPxXoE
http://www.youtube.com/watch?v=2z8QJ0lJJtk
http://www.youtube.com/watch?v=839NjlR2Nzw
http://www.youtube.com/watch?v=ubOHYigXYkw
http://www.youtube.com/user/Bansuri007

எங்களை பொருத்த வரைக்கும் இது ரெம்ப சந்தோசமான ட்ரிப். ஏன்னா போன இடத்துல நோ டிவி, நோ சாப்பிங், நோ சைட் சியிங். ஒன்லி எங்க பிரண்ட்ஸ், அவங்க பேமிலியோட ரெம்ப ஜாலியா 2 நாளு போனதே தெரியாம இருந்துட்டு வந்தோம். இதுக்கு பெரிய காரணமா இருந்த சாமி, ஹரிணி, சாய், அஜய், மாயா, ஆதயா, மாயாவோட அப்பா, அம்மா, தங்கை ப்ரியா எல்லோருக்கும் எங்களோட மனமார்ந்த நன்றிகள்.

Good Bye Arunagiri Sir...

2008-12-07T21:13:00.000-08:00

தேங்க்ஸ் கிவ்விங் 2008

2008-11-27T19:00:00.001-08:00

நவம்பர் மாச கடைசி வாரம். தேங்க்ஸ் கிவ்விங் வாரம்... 4 நாளு ஆபிஸுக்கு லீவு... காலையில வேகமா எழுந்து முதல்ல கே மார்ட்டுக்கு நான், மீனாட்சி, பேட்ரிக் உலகா, சீனியும் போனோம். ஒண்ணும் பெரிசா பர்சேஷ் பண்ணல. டீல்ஸ் பேப்பரை வாங்கிட்டு வீட்டுக்கு வந்து கொஞ்ச நேரம் பார்த்தோம். அப்புறம் எல்லாரும் எங்க வீட்டுல மதியம் 3 மணிக்கு வர்றோம்ன்னு மீனாட்ச்சியும், உல்காவும் வீட்டுக்கு போயிட்டாங்க.

4 மணிக்கு எல்லாம் மக்கள் எல்லாம் கேதர் ஆக ஆரம்பிச்சிடாங்க. எக்கானமி கிரைசினால இந்த வருசம் டீல்ஸ் எல்லாம் பெரிசா இல்ல, இருந்தாலும் டெரிடிசனல விடக்கூடாதுல்ல. தேங்க்ஸ் கிவ்விங்ல பொருட்களை வாங்குறத விட பிரண்ட்ஸ் எல்லாம் சேர்ந்து அடிக்கிற லுட்டியே இருக்கே ஜாலியோ... ஜாலி...

போன வருசம் எல்லாம். முத நாள் சாயங்காலமே பெஸ்ட் பய்ல நின்னோம். ஆன இந்த வருசம் நைட் 2 மணி வரைக்கும் மீனாட்சி, உலகா, பேட்ரிக், சீனி ஜெயபாலன், சீனி கோபிநாதன், பாலாஜி, ரமணா, மனோ, அருள், பெரியப்பு இப்ராகிம், சுவாமி, நானும் சேர்ந்து ஒரே அரட்டை தான்.

சுவாமி 2:15க்கு எல்லாரும் கடைக்கு போகலாம்ப்பன்னு கிளப்பினான். அனைவரும் பெஸ்ட் பய் லையன்ல நின்னு 7 லேப் டாப் கூப்பன் வான்கினோம். அடுத்து நேர ஆபீஸ் டிப்போ போனோம்.மக்களை எல்லாத்தையும் நிக்க சொல்லிட்டு நாங்க வீட்டுக்கு வந்து பேட்ரிக் போட்டு, சுவாமி பிரட் டோஸ்ட் போட்டு பிரண்ஸ்க்கு கொடுத்தோம். அப்புறம் சுவாமியும், நானும் ரோடியோ சாக்க்கு போனோம்.

போன தேங்க்ஸ் கிவ்விங் மாதிரி பெரிசா எதுவும் வாங்காட்டாலும், இந்த வருசம் தேங்க்ஸ் கிவ்விங் ஜாலியாத்தான் போச்சி...

மகிழ்ச்சியான தருணம்

2008-11-27T17:53:00.000-08:00

முன்பதிவில் கூறியது போல் இந்த வருடம் பிறந்த நாள் மிக அர்த்தமுள்ளதாக கொண்டாடப்பட்டது. நண்பன் சுவாமியின் அப்பாவும், அம்மாவும் பட்டுக்கோட்டை அருகே அணைக்கட்டில் கிராமத்தில் உள்ள கருணை இல்லத்திற்க்கு சாயங்காலமே சென்றனர். அவர்கள் குழந்தைகளுக்கு தேவையான உடுத்த உடை, உண்ண உணவு, பால், கேக், அவர்கள் மகிச்சிக்கு பாசி, மணி, நகப்பூச்சை எடுத்து சென்று அங்கு உள்ள குழந்தைகளுக்கு வழங்கினர். அவர்களின் மகிழ்ச்சியை குறிப்பிட வார்த்தை தேடினேன். எனக்கு கிடைக்கவில்லை. அங்கு எடுத்த புகைப்படங்கள் சில இங்கே...

அணைக்கட்டில் உள்ள கருணை இல்ல குழந்தைகள்:

குழந்தைகளுக்கு என்னுடைய பரிசு:
அம்மா குழந்தைகளுக்கு தேவையானவற்றை வழங்கினார்:

தொடர்கிறது...

குழந்தைச்செல்வங்கள்...

கடவுள் வழிபாடு:

உணவு உண்ண நாங்க தயார்...

நகப்பூச்சு நேரம்:

அனைவருக்கும் சுட சுட பால் பரிமாறப்பட்டது:

விடைபெறும் நேரம்... அனைவருக்கும் நன்றி,

முக்கியமாக இந்த நிகழ்ச்சிக்கு தங்களுடைய பொன்னான நேரத்தை இந்த் குழந்தைகளுடன் கழித்த நண்பன் சுவாமியின் அப்பாவுக்கும், அம்மாவுக்கும் என் மனமார்ந்த நன்றிகள்.

நம்பியார்- 7 தலைமுறை, 70 ஆண்டுகள்!

2008-11-20T22:19:00.000-08:00

நடிக்க வந்து ஐந்து ஆண்டுகளை முடித்து விட்டாலே 'எங்கெங்கோ' போய் விடும் இக்காலத்து நடிகர்களுக்கு மத்தியில், கிட்டத்தட்ட 70 ஆண்டுகள் நடிப்புலகில் தனி இடத்தைப் பிடித்து, தனது இடத்திற்கு அருகில் கூட யாரையும் அண்ட முடியாத அளவுக்கு தனி முத்திரையைப் பதித்து விட்டுச் சென்றிருக்கிறார் எம்.என். நம்பியார்.

இந்தியில் பிரான் என்று ஒரு வில்லன் நடிகர் இருந்தார். அவரது இடத்தை இன்னும் எந்த நடிகராலும் நிரப்ப முடியவில்லை. அப்படி ஒரு அபாயகரமான வில்லன். அவரது வசன உச்சரிப்பும், பாடி லாங்குவேஜும் அவ்வளவு அபாரமாக இருக்கும்.

தமிழுக்கும் அப்படி கிடைத்த பயங்கர வில்லன்தான் நம்பியார். அவரை நிஜமாகவே வில்லனாகப் பார்த்தார்களாம் அக்காலத்துப் பெண்கள். அந்த அளவுக்கு அவரது முக பாவனையும், வசன உச்சரிப்பும் படு தத்ரூபமாக இருந்ததுதான் காரணம்.

கிட்டத்தட்ட 70 ஆண்டு கால நீண்ட, நெடிய பயணத்தைக் கொண்டது நம்பியாரின் திரையுலக அனுபவம். 7 தலைமுறை நடிகர்களுடன் நடித்து விட்ட பழுத்த அனுபவஸ்தர். வி்ல்லத்தனத்தில் மட்டுமல்லாமல், பக்தியிலும் அவருக்கு நிகர் அவர் மட்டுமே.

கிட்டத்தட்ட 65 ஆண்டு காலம் தொடர்ந்து சபரிமலைக்குப் போய் வந்தவர். இதனால்தான் அவரை குருசாமிகளுக்கெல்லாம் குருசாமி என்று அய்யப்ப பக்தர்கள் புகழ்கிறார்கள், மரியாதை செய்தார்கள்.

அந்தக் காலத்தில் தமிழ் சினிமாவுக்குக் கிடைத்த வில்லன்கள் ஏராளம். அசோகன், பி.எஸ்.வீரப்பா, ஆர்.எஸ். மனோகர், ஓ.ஏ.கே. தேவர் என பலர். ஆனால் அவர்களுக்கெல்லாம் மகுடமாக, மகா வில்லனாக திகழ்ந்தவர் நம்பியார்.

அவருடைய பெயரை உச்சரித்தாலே ஒரு திகில் ஏற்படும் வகையிலான நடிப்பை வெளிப்படுத்தி மிரள வைத்தவர்.

மஞ்சேரியிலிருந்து ஊட்டிக்கு ..

கேரள மாநிலம் மஞ்சேரியில் பிறன்தவர்தான் நம்பியார். இவருடைய இயற்பெயர் நாராயணன் நம்பியார். ஊர்ப் பெயரையும் சேர்த்து எம்.என். நம்பியார் ஆகி விட்டார்.8 வயதில் ஊட்டியி்ல டீ கடை நடத்தி வந்த தனது அக்காள் கணவரின் வீட்டுக்கு இடம் பெயர்ந்தார் நம்பியார். அங்கு தங்கி பள்ளிப் படிப்பைத் தொடங்கினார். 5ம் வகுப்பு வரை படித்தார்.சகோதரியின் குடும்பம் கஷ்டமான நிலையில் இருப்பதைப் பார்த்த அவர் அவர்களுக்குப் பாரமாக இருக்க விரும்பாமல், 13வது வயதில் சென்னைக்கு வந்தார்.

ஊட்டியலிருந்து நாடகத்திற்கு ..

சென்னைக்கு வந்த நம்பியாருக்கு நாடகங்களில் நடிக்கும் ஆர்வம் வந்தது. இதனால், நவாப் ராஜமாணிக்கம் நடத்தி வந்த நாடக கம்பெனியில் சேர்ந்தார்.

ஆரம்பத்தில் சிறு சிறு வேடம்தான் கிடைத்தது. பின்னர் அந்த நிறுவனத்தின் பக்த ராமதாஸ் நாடகம் திரைப்படமாக உருவாகியது.

1935ம் ஆண்டு அந்த நாடகம் தமிழிலும், இந்தியிலும் திரைப்படமானது. நாடக அனுபவத்தை கருத்தில் கொண்டு நம்பியாருக்கும் சினிமாவில் நடிக்கும் வாய்ப்பு கிடைத்தது.

நாடகத்திலிருந்து சினிமாவுக்கு ..

இப்படித்தான் சினிமாவுக்கு வந்து சேர்ந்தார் நம்பியார். அவருக்கு முதல் படத்தில் கிடைத்த சம்பளம் ரூ. 40.

சிறு சிறு வேடங்களாக நடிக்கத் தொடங்கிய நம்பியாருக்கு ஆரம்பத்தில் ஹீரோ வேடங்களும் கூட கிடைத்தன. ஆனால் வில்லன் வேடத்தில்தான் அவர் பரிமளித்தார்.இது, எம்.ஜி.ஆருடன் இணைந்த பிறகு பன்மடங்கா பிரகாசிக்கத் தொடங்கியது. எம்.ஜி.ஆர் படத்தில் வில்லனா, கூப்பிடு நம்பியாரை என்று கூப்பிடும் அளவுக்கு இருவருக்கும் ஜோடிப் பொருத்தம் அமர்க்களமாக அமைந்தது.

இருவரும் இணைந்து நடிக்காத படங்களை விரல் விட்டு எண்ணி விடலாம். அந்த அளவுக்கு இந்த ஹீரோவும் - வில்லனும் இணைந்தே நடித்து வந்தனர்.

சர்வாதிகாரி படத்தில் நம்பியாரின் வி்ல்லத்தனம் வெகுவாகப் பேசப்பட்டது. அவரும், எம்.ஜி.ஆரும் போட்ட கத்திச் சண்டை அப்போது வெகு பிரசித்தம்.தொடர்ந்து தாய் சொல்லைத் தட்டாதே, படகோட்டி, எங்க வீட்டுப் பிள்ளை, விவசாயி, உலகம் சுற்றும் வாலிபன், எங்கள் தங்கம் என இருவரும் இணைந்து பல படங்களில் நடித்தனர்.

வெறுக்க வைத்த வில்லத்தனம் ..

இப்படி தொடர்ந்து எம்.ஜி.ஆர் படங்களில் வில்லனாக - அதி பயங்கர வில்லனாக - தொடர்ந்து நடித்ததால் நம்பியாரை நிஜமாகவே வில்லனாக நினைத்து விட்டனர் அந்தக் காலத்துப் பெண்கள்.

படம் பார்க்கும்போது நம்பியாரை, எம்.ஜி.ஆர். அடிக்கும் காட்சிகளுக்கு அமோக வரவேற்பு இருக்குமாம். அதிலிருந்தே மக்கள் எந்த அளவுக்கு நம்பியாரை பார்த்து பயந்தார்கள், கோபமாக இருந்தார்கள் என்பதை உணரலாம்.

இதைத்தான் பின்னாளில் இயக்குநர் வி.சேகர் தயாரித்த நீங்களும் ஹீரோதான் படத்தி்ல ஒரு காட்சியாகவே வைத்தார். அதில், நம்பியாரும், பி.எஸ்.வீரப்பாவும் ஒரு படப்பிடிப்புக்காக கிராமத்திற்கு வருவார்கள்.

அவர்களுக்கு தங்க வீடு கிடைக்காது. ஒவ்வொரு வீடாக ஏறி, இறங்கி வீடு கேட்பார்கள். ஆனால் இவர்தான் எம்.ஜி.ஆருக்கு எதிராக சதி செய்தவர், எனவே வீடு கிடையாது என்று ஒவ்வொருவரும் கூறுவது போல காட்சி அமைத்திருப்பார்கள்.இப்படி தனது வில்லத்தன நடிப்பால் அந்தக் கேரக்டருக்கே ஒரு தனி முத்திரையை உருவாக்கி விட்டவர் நம்பியார். அவரைத் தவிர வேறு எந்த வில்லன் நடிகருக்கும் இப்படி ஒரு இமேஜ் இதுவரையிலும் அமையவில்லை, இதற்கு முன்பும் அப்படி இல்லை என்பது குறிப்பிடத்தக்கது.இப்படியாக எம்.ஜி.ஆருடன், 75 படங்களில் இணைந்து நடித்துள்ளார் நம்பியார்.

சிவாஜிக்கும் வில்லன் ..

எம்.ஜி.ஆரைப் போலவே, சிவாஜி கணேசனுக்கும் வில்லனாக நடித்தவர் நம்பியார். இருவரும் இணைந்து அம்பிகாபதி, உத்தமபுத்திரன், தில்லானா மோகானாம்பாள், திரிசூலம், சிவந்த மண், லட்சுமி கல்யாணம் என ஏராளமான படங்களில் நடித்தனர். சிவாஜிக்குத் தம்பியாகவும் ஒரு படத்தில் நடித்துள்ளார் நம்பியார்.
அந்தக் காலத்து மும்மூர்த்திகளில் ஒருவரான ஜெமினி கணேசனுடனும் நிறையப் படங்களில் நடித்தவர் நம்பியார்.இந்த மூன்று நடிகர்களின் படங்களிலும் தவறாமல் நம்பியார் இடம் பெறுவது அப்போது வழக்கமாக இருந்தது.

7 தலைமுறையினருடன் ..

எம்.ஜி.ஆர், சிவாஜி, ஜெமினி கணேசன், அடுத்த தலைமுறையான ரஜினி, கமல், விஜயகாந்த், அவர்களுக்கு அடுத்த தலைமுறையான விஜய் உள்ளிட்டோருடன் நடித்த பெருமைக்குரியவர் நம்பியார். மொத்தம் 7 தலைமுறை நடிகர்களுடன் நடித்து அவர் சாதனை படைத்துள்ளார். அவரது மொத்த படங்கள் ஆயிரத்தைத் தாண்டும். நடிப்பனுபவமோ 70 ஆண்டுகள்.

வில்லத்தனத்தில் கலக்கிய நம்பியார் பின்னர் குணச்சித்திர வேடங்கள், நகைச்சுவை வேடங்களிலும் அசத்த ஆரம்பித்தார்.தூறல் நின்னு போச்சு படம் மூலம் இப்படி டிராக் மாறிய நம்பியார் காமெடியிலும் கலக்கியவர்.நம்பியாரின் மருமகன் தான் நடிகர் சரத் பாபு ஆவார்.

சபரிமலை அய்யப்பனின் தீவிர பக்தராகவும் மிளிர்ந்தவர். தொடர்ந்து 65 ஆண்டுகள் சபரிமலைக்குப் போய் வந்த சாதனை படைத்தவர். இவரைத்தான் சபரிமலைக்குச் செல்லும் திரையுலகினர் குருசாமியாக ஏற்று செயல்பட்டு வந்தனர்.எம்.ஜி.ஆர். உயிருடன் இருந்தவரை, நம்பியார் இருமுடி கட்டிச் செல்லும்போது, எம்.ஜி.ஆர். அனுப்பி வைக்கும் மாலைதான், அவருக்கு முதலில் அணிவிக்கப்படுமாம்.

இப்படிப் பழுத்த அய்யப்ப பக்தராக விளங்கி வந்த நம்பியார், அய்யப்பன் கோவிலில் சீசன் தொடங்கியுள்ள இந்த மாதத்தில் மரணமடைந்திருப்பது குறிப்பிடத்தக்கது. அய்யப்பனின் திருவடிகளையே அவர் சரணடைந்திருப்பதாக அய்யப்ப பக்தர்களும் சிலிர்ப்புடன் கூறுகின்றனர்.

நடிப்பிலும், தனிப்பட்ட நல்ல பழக்க வழக்கங்களிலும், குண நலனிலும் நம்பியாருக்கு இணை யாரும் இல்லை. அவரது இடத்தை அவர் இருந்தபோதும் யாராலும் நிரப்ப முடியவில்லை. இனியும் நிரப்புவது அவ்வளவு சாத்தியமானதாக தெரியவில்லை.

நன்றிகள் பல...

2008-11-09T16:06:00.000-08:00

எனக்கு நேரிலும், தொலைப்பேசியிலும், மின்னஞ்சலிலும் பிறந்த நாள் வாழ்த்து தெரிவித்த அனைத்து நண்பர்களுக்கும் எனது மனமார்ந்த நன்றிகள்.

இந்த நாளில் எனக்கு பட்டுக்கோட்டைக்கு அருகில் உள்ள குழந்தைகளுக்கு உதவ தேவையான நடவடிக்கை செய்த நண்பன் சுவாமிக்கும், அவனுடைய அப்பா மற்றும் குடும்பத்தாருக்கும் நன்றிகள் பல...

நவம்பர் 4 2008

2008-11-06T21:25:00.000-08:00

இன்று நண்பன் கார்த்தி மின்னஞ்சலில் அனுப்பிய ஓவியம்...

இது அமெரிக்காவுக்கு புதிய விடியல்

2008-11-04T22:52:00.000-08:00

நம் நாட்டை உருவாக்கியவர்களின் கனவுகள் நம் காலத்தில் நிறைவேறியிருக்கின்றன. இது நம் ஜனநாயகத்தின் பலத்தை காட்டுகிறது. இப்போது வரலாற்றின் இதயத்தில் கையை வைத்துப் பார்த்தால் அதன் மகிழ்ச்சித் துடிப்பை நீ்ங்கள் உணர முடியும்.

என்னை எதிர்த்துப் போட்டியிட்ட ஜான் மெக்கெய்ன் இந்த நாட்டுக்கு ஆற்றிய கடமைகளை இந்த நேரத்தில் எளிதாக புறம்தள்ளிவிட முடியாது. எனக்கு சரியான போட்டி தந்தாலும் என்னுடன் தனிப்பட்ட முறையில் அன்பையும் பகிர்ந்த அவருக்கு என் நன்றிகள்.

அமெரிக்க தேர்தல் வரலாற்றில் இதுவரை இல்லாத அளவுக்கு கடுமையான பிரச்சாரத்தை நாம் நடத்தினோம். இதற்காக கட்சியினருக்கும் எனக்குத் துணை நின்ற அமெரிக்க மக்களுக்கும் நன்றி. இந்த வெற்றி எனக்குரியதல்ல, இது அமெரிக்க மக்களின் வெற்றி.

இந்த வெற்றியின் மூலம் அமெரிக்காவுக்குத் தேவைப்பட்ட மாற்றம் வந்துவிட்டது. நமக்கு புதிய உத்வேகமும் பலமும் கிடைத்துள்ளது.

நாம் சந்திக்கும் பிரச்சனைகள் தொடர்பாக நான் உங்களிடம் நேர்மையாக இருப்பேன். மக்களின் குரலைக் கேட்பேன். இந்த வெற்றி அமெரிக்காவுக்கு ஒரு புதிய விடியல்.

அமெரிக்காவின் இனவாதம் குறித்த கேள்விகளுக்கு இந்த வெற்றி ஒரு பாடம். இந்த வெற்றி நாம் உண்மையான 'யுனைடட்' ஸ்டேட்ஸ் தான் என்பதையும் நம் மக்களின் ஒற்றுமையையும் நிரூபித்துவிட்டது என்றார்.

இது தனது சொந்த ஊரான சிகாகோவில் கிராண்ட் பார்க் மைதானத்தில் கூடியிருந்த லட்சக்கணக்கான மக்களிடையே ஒபாமா ஆற்றிய உணர்ச்சிகரமான உரை.

இந்த உரையையும், தேர்தல் முடிவையும் நானும், சுவாமியும் அலுவலக பணி முடித்துவிட்டு வந்து சீனி வீட்டில் சாயங்காலத்திலிருந்து இரவு வரை CNNலில் தொடர்ந்து இந்த அமெரிக்காவுக்கான புதிய விடியலை கண்டு/கேட்ட பல கோடி மக்களில் நாங்களும் இணைந்தோம்.

தீபாவளி 2008 கொண்டாட்டம்

2008-11-03T21:06:00.001-08:00

தீபாவளி 2008 கொண்டாட்டம்

தீபாவளி வாழ்த்துக்கள்

2008-10-26T08:45:00.000-07:00

அனைவருக்கும் என் இனிய தீபாவளி வாழ்த்துக்கள். துன்ப இருள் நீங்கி இன்ப ஒளி அனைவரின் வாழ்விலும் பரவட்டும்.

மனித நேயம் அனைவரின் மனதிலும் உதயமாகட்டும். உலக மக்கள் அனைவரும் தன் குடும்பத்தோடு சந்தோசமாக வாழட்டும்.

நாளை தலை தீபாவளிக்கொண்டாடும் என் நண்பர்கள் ரவி, பரத் மற்றும் சீனி அனைவருக்கும் உங்கள் வாழ்வில் மென்மேலும் மகிழ்ச்சி பொங்க இந்த தீபாவளி திருநாளில் என் உள்ளங்கனித்த வாழ்த்துக்களை தெரிவித்துக்கொள்கிறேன்.

கண்ணீர் அஞ்சலி

2008-10-15T07:36:00.000-07:00

எங்களை விட்டு

விண்ணுலகம் சென்ற

எங்கள் பாட்டி ராஜம்மாளுக்கு

என்னுடைய மற்றும் குடும்பத்தாரின்

கண்ணீர் அஞ்சலி...

:(

2008-10-14T19:50:00.001-07:00

அலுவகத்தில் மதிய உணவுக்காக
தயாராகிக்கொண்டு இருந்த நேரம்...
மணி மாமாவிடம் இருந்து
தொலைப்பேசி அழைப்பு.
"பாட்டிக்கு உடம்பு சரியில்லை" என்று
அம்மா,கல்குறிச்சி பாட்டி, தங்கை, ராம்சங்கரும்
அவசரமாக ஊருக்கு கிளம்பிப்போயிருக்கிறார்கள்,
நீ நாளை காலை 9:00 மணிக்கு
தொலைபேசியில் அழைத்து பேசு என்றார்.

சாயங்காலம் அலுவலகப்பணி முடித்து வீடு திரும்பிய பின்
நான் அழைக்கும் முன்
8:24க்கு மறுபடியும் மாமாவிடம் இருந்து
தொலைப்பேசி அழைப்பு...

"பாட்டி தவறி விட்டார்கள்" என்று சொன்னார்.

செய்வதறியாமல் தவித்தேன்.
உடனே தங்கையை தொடர்புக்கொண்டு
தாத்தாவிடம் தொலைப்பேசியை தரச்சென்னேன்.

அவரிடம் என்ன சொல்வது என்று தெரியாமல்,
ஆறுதல் கூறி அவரை தேற்ற முயன்று
தோற்று போனேன்.

அம்மா மற்றும் உற்றார், உறவினரிடம்
அவரை பார்த்துக்கொள்ளுங்கள் என்று சொல்லி,
மரணதேவன் மீண்டும் ஒரு முறை
அப்பாவிற்க்கு பிறகு எங்கள் குடும்பத்தின்
மற்றொரு ஆணி வேரை
அறுத்து சென்றதை நினைத்து
மனம் நொந்து தூங்கிப்போனேன்.